Інстытут нацыянальнай памяці ўшануе памяць добраахвотнікаў, якія ўдзельнічалі ў польска-бальшавіцкай вайне. У месцах былых прызыўных камісій будуць адкрыты памятныя дошкі, прысвечаныя памяці добраахвотніцкай арміі 1920 года. Гэта адзін з элементаў адзначэння 100-годдзя Варшаўскай бітвы.
Як заявіў старшыня Інстытута нацыянальнай памяці Яраслаў Шарэк, адна з памятных дошак будзе адкрыта заўтра ў штаб-кватэры Варшаўскай асацыяцыі веславання. «Некалькі соцень членаў гэтага таварыства прынялі ўдзел у добраахвотным парадку», – сказаў Шарэк.
Яраслаў Шарэк адзначыў, што памятныя дошкі будуць адкрыты не толькі ў Варшаве. «У Сасноўцу мы ўшануем памяць звыш 4,5 тысячы дабраахвотнікаў з Беджынскага павета, якія ўвайшлі ў добраахвотніцкую армію», – дадаў старшыня Інстытута нацыянальнай памяці.
Добраахвотніцкая армія – гэта мабілізацыйная акцыя польскай арміі, распачатая падчас польска-бальшавіцкай вайны. Больш за сто тысяч добраахвотнікаў далучыліся да войска. Генеральным інспектарам арміі быў генерал-лейтэнант Юзаф Галлер (Józef Haller).
ІАР ПР/нг