Лідарка дэмакратычных сіл Беларусі Святлана Ціханоўская заклікала прыняць удзел у выбарах у Каардынацыйную раду. У відэазвароце палітык падзякавала ўсім, хто працягвае падтрымліваць Беларусь і падкрэсліла, што змены пачынаюцца з асабістага ўдзелу.
Людзі, якія вырашылі балатавацца ў Каардынацыйную Раду, зрабілі свядомы выбар. Яны разумелі, з чым сутыкнуцца: ціск, пагрозы, рызыкі. І ўсё роўна яны выбралі балатавацца. І гэта выклікае шчырую павагу, — пераконвала палітык.
Святлана Ціханоўская заклікала выбарцаў уважліва вывучыць кандыдатаў і іх праграмы, падкрэсліўшы важнасць свядомага выбару для будучыні краіны.
Выбары ў Каардынацыйную раду чацвёртага склікання пройдуць з 11 па 17 траўня. У іх удзельнічаюць дзевяць блокаў і 174 кандыдаты.
эж