З’явіліся новыя злівы праслушкі сілавікоў

У інтэрнэт выклалі аўдыё тэлефоннай размовы, дзе гучаць галасы, падобныя да галасоў намесніка начальніка ГУУС Мінгарвыканкама Ігара Падвойскага і першага намесніка начальніка УУС Мінаблвыканкама Віталя Казлова.

Zdjęcie ilustracyjne

StockSnap / Pixabay

Падчас гутаркі абмяркоўваецца шэраг сітуацый, звязаных з пратэстамі ў Беларусі, паведамляе Наша Ніва.

Ігар Падвойскі скардзіцца, што «ўпахаўся», бо ў гэты дзень біў чалавек семдзесят раварыстаў і займаўся аўтамабілістамі, якія сігналілі.

Распавядае суразмоўцу, што калі жанчына-кіроўца запатрабавала ад сілавікоў патлумачыць ёй правы, ён падышоў, выцягнуў яе за валасы з машыны, ударыў нагой, а потым яшчэ і стукнуў галавой. Убачыўшы гэта, іншы пасажыр аўто сам пабег у бусік. З гэтага суразмоўцы смяюцца і анансуюць, што камусьці «заўтра дадуць ляшчоў».

Са слоў, меркавана, Падвойскага вынікае, што ў дзень размовы забралі каля дваццаці машын. BMWX6 узялі за пытанне кіроўцы: «У чым справа? Што, пасігналіць нельга?» «Нельга. І машыны ў цябе больш няма». Смех.

Падвойскі таксама распавядае пра свой даклад кіраўнікам сілавых ведамстваў, дзе быў і Раўкоў (тагачасны дзяржсакратар Савета бяспекі), і Вакульчык (тагачасны кіраўнік КДБ), і асабістыя размовы з ім, пасля якіх у яго «кашуля была мокрая».
яс