Міністэрства аховы здароўя Беларусі паведаміла, што згодна з пастановай ад 30 снежня 2021 года ў пералік абавязковых прафілактычных прышчэпак для дзяцей ва ўзросце ад 12 да 17 гадоў унесена вакцынацыя ад COVID-19, піша Свабода.
Паводле ведамства, мэта вакцынацыі – забеспячэнне санітарна-эпідэміялагічнага дабрабыту і прафілактыкі захворвання дзіцячага насельніцтва COVID-19.
Прышчапіцца можна не раней, чым праз 6 месяцаў пасля перанесенай дзіцем інфекцыі COVID-19, у адпаведнасці з інструкцыяй па медычным прымяненні імунабіялагічнага лекавага сродку, агульнай характарыстыкай лекавага прэпарата і адсутнасцю супрацьпаказанняў да вакцынацыі ў дзяцей.
У цяперашні час для вакцынавання прапануецца інактываваная вакцына супраць COVID-19 – Verо Cell кітайскай вытворчасці.
У сярэдзіне снежня міністэрства паведаміла, што ў Беларусі поўную вакцынацыю прайшлі 3 мільёны 298 тысяч чалавек. Згодна з прыведзенымі лічбамі, найхутчэй вакцынацыя праходзіла ў Мінску, а павольней за ўсё ў Віцебскай вобласці.
ав