Словы прэс-сакратара Міністэрства замежных спраў Расіі Марыі Захаравай чарговы раз пацвярджаюць глыбокае заангажаванне расійскай дыпламатыі ў інфармацыйную барацьбу з Захадам, ацаніў у інтэрв'ю PAP прэс-сакратар Міністра-каардынатара спецслужбаў.
Станіслаў Жарын спаслаўся на заяву Захаравай, якая прагучала ў чацвер, што Масква занепакоеная «перспектывай павелічэння ваеннай прысутнасці ЗША ў Польшчы».
«Марыя Захарава ў чацвер падчас сваёй штотыднёвай сустрэчы з журналістамі працягвае антызаходнюю рыторыку. Прэс-сакратар Міністэрства замежных спраў Расіі ў чарговы раз выказала «занепакоенасць»дзейнасцю НАТА. Асаблівым чынам яна атакавала амерыканскую ваенную прысутнасць у Польшчы», – сказаў Жарын.
Паводле яго, наратыў Захаравай аб прысутнасці хаўрусніцкіх войскаў у Польшчы зʼяўляецца элементам дэзынфармацыйнай дзейнасці, накіраванай на ўказванне меркаванай пагрозы з боку Захаду.
«Расійская прапаганда распаўсюджвае вобраз агрэсіўнага НАТА ў прапагандысцкіх і палітычных мэтах. Такім чынам, яна маскіруе ўласную агрэсію ў адносінах да іншых краін, а таксама трымае расійскае грамадства ў пачуцці пагрозы, спадзеючыся, што дзякуючы гэтаму расейцы будуць падтрымліваць крамлёўскія эліты, насуперак відавочнаму правалу расійскай дзяржавы», – дадаў прэс-сакратар міністра-каардынатара спецслужбаў у Польшчы Станіслаў Жарын.
PAP/аз