За апошнія суткі больш за 700 мігрантаў з Паўночнай Афрыкі прыбылі на італьянскі востраў Лампедуза. Зараз у мясцовым цэнтры для бежанцаў на 400 месцаў пражывае амаль 2700 чалавек.
Мігранты прыбылі на востраў на 19 невялікіх суднах. Ля берагоў вострава затанулі чатыры лодкі. Нягледзячы на неадкладныя меры ратавальнікаў, 19 чалавек патанулі.
Па словах мігрантаў, большасць з іх пакінулі Туніс на борце рыбалоўнага судна. Каля Лампедузы іх пагрузілі на 14 невялікіх металічных лодак даўжынёй 6 метраў, якія лёгка перакульваюцца.
У пятніцу на Лампедузу прыбылі 28 невялікіх лодак з больш чым 1100 мігрантамі. Амаль усе паходзяць з Трапічнай Афрыкі. Сітуацыя ў цэнтры для бежанцаў на Лампедузе крытычная. Пачалося перасяленне мігрантаў.
IAR/яс