22 красавіка Еўрапейская камісія прадставіць план па зніжэнні высокіх цэн на энерганосьбіты. Гэта рэакцыя на рост выдаткаў, звязаных з вайной на Блізкім Усходзе. Старшыня камісіі Урсула фон дэр Ляен абвясціла пра план на мінулым тыдні. Учора камісар па транспарце таксама абмеркаваў магчымыя меры ў адказ на крызіс з авіяцыйным палівам. Аднак канчатковы змест плана будзе вызначаны камісарамі ЕС на іх сённяшнім пасяджэнні.
Пакуль што Камісія запэўнівае, што ў Еўропы ёсць запасы авіяцыйнага паліва.
— Гэтыя запасы могуць быць вызваленыя, але рынак у цяперашні час спраўляецца з ціскам, і няма ніякіх прыкмет дэфіцыту. Тым не менш, мы павінны быць гатовыя, — сказаў камісар па транспарце Апасталас Цыцыкостас.
Старшыня Еўрапейскай камісіі падкрэсліла неабходнасць каардынацыі дзеянняў у межах ЕС па напаўненні газасховішчаў і скаардынаваных закупак гэтага тавару і нафты, каб перадухіліць рост цэн.
—Будуць больш гнуткія правілы дзяржаўнай дапамогі для падтрымкі найбольш уразлівых сектараў, — сказала Урсула фон дэр Ляен.
Гэта яшчэ адна прапанова, якая, як чакаецца, будзе ўключана ў план.
Чакаецца таксама, што Камісія прапануе меры па эканоміі энергіі. Напрыклад, па магчымасці, хаця б адзін дзень абавязковай дыстанцыйнай працы.
ПР/юл