«Людзі сёння не ведаюць, што мудрасць – гэта не тое, што можна купіць, бо мудрасць – гэта здольнасць выбіраць, а створаны свет – велізарны і прыгожы. Вы створаны не для пустыні, а для людзей, і так шмат гэтых людзей пройдзе праз ваша жыццё, вы не ведаеце, колькі, але вы павінны ведаць адну асноўную рэч. Няма такога чалавека, як вы», – сказала ў адным са сваіх нядаўніх інтэрвʼю Ванда Палтаўска, супрацоўніца і сяброўка Яна Паўла ІІ, лекар-псіхіятр, былая вязнярка нямецка-фашысцкага канцлагеру «Равэнсбрук», якая сёння памерла. 2 лістапада ёй споўнілася б 102 гады.
«Гэта дагмат каталіцкай веры: няма такога, як ты. І гэтую ісціну павінен пацвердзіць кожны сталы, разумны чалавек. Але адкуль возьмецца гэты мудры, сталы чалавек? Філосаф Караль Вайтыла вучыў – ты сам павінен быць сваім полем дзеяння. І тое, што вы зробіце, будзе вамі. Вы самі пішаце сваю біяграфію. І ніхто не можа ведаць, што ў цябе ў памяці і ў душы», – працягвала Ванда Палтаўска.
Інтэрвʼю было запісана пасля таго, як Ванда Палтаўская атрымала юбілейную прэмію «Gazeta Polska» да 30-годдзя.
Пётр Лісевіч, намеснік галоўнага рэдактара «Gazeta Polska», падчас уручэння адзначыў:
«Гісторыя Ванды Палтаўскай – гэта гісторыя Польшчы за апошнія 100 гадоў. Ва Уроцлаве стаіць помнік Ежы Каліны пад назвай «Помнік безыменнаму мінаку», дзе людзі ўсё глыбей і глыбей сыходзяць пад зямлю, а потым выходзяць. (...) Такі быў лёс Ванды Полтаўскай, такім было яе жыццё. Спачатку маленькая дзяўчынка, якая назірала за Пілсудскім на каштане, потым шчаслівая Другая Польская Рэспубліка, скаўтынг, потым крах, а кульмінацыяй краху стаў «Равенсбрук». (...) Адна, потым другая няволя, а потым веліч, пад’ём, паўстанне – вось што зрабілі Ян Павел ІІ і сужэнства Ванды і Анджэя Палтаўскіх, яго сяброў», – сказаў Пётр Лісевіч.
ав/niezalezna.pl