Яблыкі з сухафруктамі і арэхамі, запечаныя пад слоеным цестам. Рэцэпт з кулінарнай кнігі «Кухар польскі якім павінен быць» Браніславы Ляснеўскай з 1861 года.
5 невялікіх яблыкаў
1 яйка
1 упакоўка слоенага цеста
жменя сухафруктаў і арэхаў: міндаль, разынкі і лімонная цэдра і інш.
цукар
Яблыкі ачысціць ад скуркі. Вострым нажом выразаць хвосцік, затым асцярожна выдаліць сэрцавіну, не пашкодзіўшы сценкі яблыка.
Міндаль і разынкі дробна нарэзаць. Змяшаць з лімоннай цэдрай.
Аддзяліць жаўток ад бялку. Бялок узбіць з чайнай лыжкай цукру. Змяшаць з сухафруктамі і арэхамі. Атрыманай масай напоўніць яблыкі.
З цеста выразаць пяць квадратаў. На сярэдзіну кожнага пакласці яблык і загарнуць яго ў цеста, каб яблык быў цалкам закрыты нібы ў канверце. Добра зляпіць краі.
Кожны яблык у цесце змазаць жаўтком пры дапамозе кулінарнага пэндзліка. Выпякаць у духоўцы пры тэмпературы 180 градусаў каля 30 хвілін.
Перад падачай пасыпаць цукровай пудрай.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл