Пентагон працягне падтрымліваць Украіну. Пра гэта заявіў кіраўнік Мінабароны ЗША Лойд Осцін на прэс-канферэнцыі ў Інданезіі.
"Мы далі больш за $20 млрд дапамогі Украіне. І мы працягнем падтрымліваць Украіну настолькі доўга, наколькі гэта спатрэбіцца", — сказаў ён.
Урад Італіі звяртаецца ў парламент з просьбай прыняць новы закон аб ваенных і грамадзянскіх пастаўках ва Украіну на працягу 2023 года. Пра гэта заявіў міністр абароны Гвіда Красета ў інтэрв'ю выданню Il Foglio. Паводле яго слоў, пастаўкі зброі працягнуцца, як гэта было раней, "у тэрміны і спосабамі, якія мы ўзгадняем з нашымі атлантычнымі саюзнікамі і з Кіевам".
Таксама Ізраіль гатовы прадставіць Украіне ўзбраенне, калі Расія атрымае ракеты ад Ірана. Адмысловую заяву зрабіў кіраўнік Штаба нацыянальнай бяспекі Ізраіля Эяль Хулата. Таксама Міністэрства замежных спраў Ізраіля выказала пратэст з-за ваеннага супрацоўніцтва Ірана і Расіі. Адпаведную ноту пасол Ізраіля ў Маскве перадаў намесніку міністра замежных спраў Расіі Міхаілу Багданаву.
ПР/юл