Міністр замежных спраў Яцэк Чапутовіч (Jacek Czaputowicz) паведаміў, што пасол Польшчы ў Іраку пакінуў гэтую краіну і вярнуўся ў Польшчу. Сёння ноччу Іран абстраляў дзве амерыканскія ваенныя базы ў Іраку – „Аль Асад” і „Ірбіль”.
Кіраўнік польскай дыпламатыі заявіў, што пасол Беата Пэнкса (Beata Pęksa) пакінула Багдад па просьбе брытанскага дыппрадстаўніцтва.
- У Багдадзе сітуацыя такая, што польскія дыпламаты працуюць у будынку брытанскага дыпламатычнага прадстаўніцтва, якое гарантуе ім бяспеку. Па просьбе брытанцаў амбасадар Бэата Пэнкса пакінула тэрытпорыю Іраку і цяпер яна ўжо знаходзіцца ў Польшчы.
Міністэрства нацыянальнай абароны Польшчы паведаміла, што польскія жаўнеры, якія служаць на тэрыторыі Іраку, не пацярпелі ў выніку абстрэлу амерыканскіх базаў.
Паводле Мінабароны ЗША, Іран запусціў больш за дзесяць балістычных ракет, якія ўпалі на ваенныя базы „Аль Асад” і „Ірбіль”. Пентагон ацэньвае страты. Прадстаўніца Белага дома Стэфані Грышам заявіла, што Дональд Трамп адсочвае сітуацыю і неўзабаве выступіць з прамовай.
Пасля атакі Ірана на амерыканскія ваенныя базы і Іраку сусветныя цэны на нафту выраслі да больш за 70 долараў за барэль. Эксперты чакаюць падзення коштаў на акцыі на біржах.
аз