5-8 верасня ў курортным гарадку на поўдні Польшчы адбудзецца 15-ы фестываль „Сустрэчы з кінафільмамі, прысвечанымі горам”. У рамках фестывалю можна будзе пабачыць фільмы з усяго свету. Упершыню падчас мерапрыемства будзе арганізаваны чэмпіянат Еўропы па спартыўным скалалажанні „Малапольска-2019”, а таксама шматлікія іншыя імпрэзы. Нагадаем, горад Закапанэ знаходзіцца ў гарах Татры.
Падчас сёлетняга фестывалю адбудзецца, між іншым, прэм'ера трэйлера фільма „Broad Peak” Лешэка Давіда (Leszek Dawid), а таксама прэзэнтацыя фотаздымкаў, зробленых на Каракаруме, у Альпах і ў Закапанэ. Можна будзе таксама азнаёміцца з фільмам „К2. Апошняя гара” Дарэка Залускага (Darek Załuski).
Пры нагодзе паказаў плануюцца сустрэчы з творцамі й героямі фільмаў.
аз