X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Мечыслаў Фог – доўгажыхар польскай музычнай сцэны (ВІДЭА)

07.09.2019 08:12
Быў нават жарт наконт доўгага знаходжання Фога на сцэне: калі польскія археолагі адкапалі ў Егіпце мумію, ды яна запытала ў іх: «А Фог надалей спявае?».
Аўдыё
  • Мечыслаў Фог - доўгажыхар польскай музычнай сцэны
Mieczysław Fogg
Mieczysław Fogg PAP/Zbigniew Wdowiński

Гэтае прозвішча ведае кожны паляк, а яго песні, якім ужо па 70-80 гадоў, гучаць і сёння. У сённяшняй гістарычнай рубрыцы раскажам пра легенду польскай музычнай сцэны, пра зорку, якая ззяе па сённяшні дзень. Герой «Машыны часу» – Мечыслаў Фог.

Нарадзіўся Мечыслаў Фог (Mieczysław Fogg) 30 мая 1901 года ў Варшаве. Дарэчы, яго сапраўднае прозвішча – Фогель, а Фог – гэта мастацкі псеўданім. У міжваенны перыяд, у 1920-1930 гады, ён быў адным з найбольш папулярных польскіх спевакоў, а яго голас крытыкі акрэслівалі лірычным барытонам. А пра сваё знаёмства з песняй і музыкай Мечыслаў Фог распавёў Польскаму радыё. Архіўны запіс з 1979 года.

- Мне было 5-6 гадоў, мы ў сям’і разам з сястрой спявалі папулярную польскую песню, і гэта была мая першая сустрэча з песняй. Мяне заўсёды цягнула да музыкі, да спеваў.

Пасля Першай сусветнай вайны я рыхтаваўся да паступлення ў палітэхнічны ўніверсітэт. Мой бацька быў машыністам паравоза, таму марыў, каб я стаў інжынерам. Я пачаў працу на станцыі гарадской чыгункі ў цэнтры Варшавы. Аднойчы пасля працы я праходзіў каля касцёла святой Анны. Я зайшоў у касцёл, там якраз спяваў хор. Я падышоў да дырыжора і запытаўся, ці мог бы спяваць у касцельным хоры. Я прыйшоў праз некалькі дзён, мяне праслухалі, і я застаўся. І вось так пачалася мая вакальная кар’ера.

Гэта было ў 1922 годзе. А неўзабаве ў касцёле святой Анны Мечыслава Фога пачуў вядомы і папулярны акцёр Людвіг Сэмпаліньскі. Яму голас настолькі спадабаўся, што ён накіраваў маладога чалавека на ўрокі спеву. І неўзабаве пачалася прафесійная кар’ера Фога. А ў 1938 годзе Мечыслаў Фог перамог у агульнапольскім конкурсе Польскага радыё на найлепшага спевака: яго выбралі слухачы радыё.


- Mój wujek był człowiekiem, który jeśli do czegoś dążył, to osiągał to - mówi o Mieczysławie Foggu Andrzej Matyjaszkiewicz - Mój wujek był człowiekiem, który jeśli do czegoś dążył, to osiągał to - mówi o Mieczysławie Foggu Andrzej Matyjaszkiewicz

Падчас Варшаўскага паўстання Мечыслаў Фог выступаў перад паўстанцамі, у шпіталях ды бамбасховішчах. Агулам ён даў 104 канцэрты. За ўдзел у паўстанні ўзнагароджаны баявымі ўзнагародамі.

Пасля вайны ў 1946 годзе ён адкрыў сваю фанаграфічную кампанію Fogg Record і кавярню Cafe Fogg, якія праіснавалі да 1951 года. У тыя часы гэта было вельмі папулярнае і прэстыжнае месца, дзе збіраўся бамонд польскай сталіцы.

Мечыслаў Фог быў папулярны не толькі ў Польшчы, але выступаў і за межамі краіны: у Еўропе, Бразіліі, Ізраілі, на Цэйлоне, у ЗША, Канадзе, Новай Зеландыі, Аўстраліі ды іншых дзяржавах. Выступаў таксама на вядомым Фестывалі савецкай песні, які праходзіў у горадзе Зялёна Гура. Калі ў 1972 годзе памёр Марыс Шэвалье, Фог стаў найстарэйшым эстрадным дзеючым артыстам. Яго кар’ера працягвалася амаль 60 гадоў, і цягам гэтага часу Фог даў амаль 16 тыс. канцэртаў.

Быў нават жарт наконт доўгага знаходжання Мечыслава Фога на сцэне. У Польшчы жартавалі, што калі польскія археолагі адкапалі ў Егіпце мумію, ды яна запытала ў іх: «А Фог надалей спявае?».

Цягам кар’еры спявак устанавіў не адзін рэкорд. Для прыкладу, пласцінка «To ostatnia niedziela», выпушчаная да вайны, была прададзеная ў 100 тыс. экзэмпляраў: гэта вельмі высокі тыраж як на тыя часы.

Памёр Мечыслаў Фог 3 верасня 1990 года.

Валеры Саўко

слухайце аўдыё

Больш на гэтую тэму: Машына часу