X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

У Варшаве расце цікавасць да беларускай мовы

27.02.2020 13:51
На бясплатныя курсы беларускай мовы ў Варшаве, што пачнуцца ў сакавіку, запісаліся беларусы, украінцы і палякі.
Аўдыё
  • "Варшаўскі мост". Курсы беларускай мовы ў Варшаве.
          Capitol.
Курсы беларускай мовы ў Варшаве будуць праходзіць у будынку тэатра Capitol. Commons.wikimedia.org/Adrian Grycuk/CC-BY-SA 3.0

У Варшаве з сакавіка з’явілася магчымасць бясплатна вывучаць беларускую мову. Пра гэта паклапацілася кафедра беларусазнаўства Варшаўскага ўніверсітэта, Культурны цэнтр Беларусі пры пасольстве Рэспублікі Беларусь у Рэспубліцы Польшча і таварыства “Польшча—Усход”.

Ініцыятыва правядзення бясплатных курсаў беларускай мовы ў Варшаве належыць Культурнаму цэнтру Беларусі пры пасольстве Рэспублікі Беларусь у Рэспубліцы Польшча. Курсы праходзяць з 2015 года.


Афіша курсаў беларускай мовы ў Варшаве. Афіша курсаў беларускай мовы ў Варшаве.

Ілона Юрэвіч, кіраўнік Культурнага цэнтра Беларусі пры пасольстве Рэспублікі Беларусь у Рэспубліцы Польшча: — Гэтыя курсы вельмі важныя для нашага пасольства і цэнтра, бо мова і культура — гэта асновы культуры народа. Пасольства і культурны цэнтр адкрыты для ўсіх, хто цікавіцца беларускай мовай, літаратурай і культурай. Настаўнікі і слухачу курсаў могуць карыстацца кнігамі з бібліятэкі культурнага цэнтра.

У сувязі з тым, што ўжо два гады цэнтр не мае свайго будынка, курсы праходзяць у памяшканні таварыства “Польшча—Усход”, за што выказваем падзяку старшыні таварыства Юзафу Брылю.


Ілона Юрэвіч, кіраўнік Культурнага цэнтра Беларусі пры пасольстве Рэспублікі Беларусь у Рэспубліцы Польшча. Ілона Юрэвіч, кіраўнік Культурнага цэнтра Беларусі пры пасольстве Рэспублікі Беларусь у Рэспубліцы Польшча.

Выкладчыкамі на курсах з’яўляюцца супрацоўнікі кафедры беларусазнаўства Варшаўскага ўніверсітэта доктар гуманітарных навук Вольга Трацяк і магістр Ірына Агеева.

Вольга Трацяк, выкладчыца на курсах беларускай мовы: — Нашы слухачы — гэта пераважна дарослыя людзі. Прыходзяць маладыя людзі, якія вывучаюць адразу некалькі моў. Некаторыя слухачы адчуваюць місію: вывучаючы беларускую мову яны робяць уклад у яе падтрымку. У гэтым семестры на курсы запісаліся беларусы, украінцы і палякі.

Нашымі курсамі зацікаўлены варшавяне і тыя, хто прыязджае вучыцца ў Варшаву. Зацікаўленасць беларускай мовай расце.

Курсы пачнуцца ў сакавіку ў будынку варшаўскага тэатра Capitol (вул. Маршалкоўска, 115, зала D6). Група для пачаткоўцаў будзе займацца па серадах з 18.30 (першая лекцыя адбудзецца 4 сакавіка), а другая група, для прасунутых, будзе збірацца па чацвяргах з 18.00 (першая лекцыя 5 сакавіка). Жадаючыя запісацца на курсы яшчэ маюць такую магчымасць.

Ілона Юрэвіч: — Слухачы курсаў таксама маюць магчымасць з першых рук атрымліваць інфармацыю пра беларускія культурныя мерапрыемствы ў Варшаве і Польшчы.

Віктар Корбут

Слухайце аўдыё

Больш на гэтую тэму: Варшаўскі мост