X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларускія студэнты прымуць удзел у «Школе лідараў за дэмакратыю»

23.11.2020 13:47
Чарговая праграма дапамогі беларускім студэнтам пачала дзейнічаць у Жэшаве (Rzeszów) – горадзе на паўднёвым усходзе Польшчы. Адна з мясцовых ВНУ прыняла 13 беларускіх студэнтаў і будзе ім дапамагаць развіваць свае здольнасці.
Аўдыё
  • Распачалася чарговая праграма падтрымкі беларускіх студэнтаў
    -
Школа лідараў за дэмакратыю - адмысловая праграма для беларускіх студэнтаўWyższa Szkoła Informatyki i Zarządzania w Rzeszowie

Універсітэт інфарматыкі і менеджменту ў Жэшаве абвесціла аб заканчэнні конкурсу на стыпендыю ў рамках праграмы «Школа лідараў за дэмакратыю». Гэта адмысловая праграма, якая была створаная ў сувязі з падзеямі ў Беларусі, з мэтай дапамагчы ў развіцці беларусам, якія сустракаюцца з цяжкасцямі на радзіме і хочуць здабываць якасную і сучасную адукацыю. Студэнты ў рамках стыпендыі змогуць вучыцца на такіх напрамках і факультэтах, як: менеджмент, інфарматыка, лагістыка, камп’ютарная графіка, прадукцыя СМІ і касметалогія. Усе заняткі будуць весціся на польскай мове, а некаторыя таксама па-англійску. У рамках праграмы маладыя студэнты не мусяць клапаціцца пра плату за навучанне, бо яе поўнасцю аплочвае стыпендыя.

«Школа лідараў за дэмакратыю» прапануе ўнікальныя магчымасці для развіцця і адукацыі будучых лідараў дэмакратычных змен падчас спробы адказаць на важныя пытанні і стварыць план дзеянняў для пабудовы дэмакратычнага грамадства. Праблемы, якія будуць закранацца ў рамках стыпендыі, гэта: як мірна пабудаваць эфектыўнае дэмакратычнае грамадства; як развіць грамадзянскую супольнасць; як грамадства сёння можа абараняць свае свабоды; якія самыя вялікія праблемы сёння; як супрацьстаяць працэсам, якія пагражаюць свабодзе і дэмакратыі?

“Я хачу займацца самаразвіццём і пазнаёміцца з цікавымі людзьмі з усяго свету”, – кажа адна з лаўрэатак праграмы Елізавета Дзянішчык:

-Я буду добра памятаць той дзень, калі я атрымала стыпендыю ва Ўніверсітэце Школе інфармацыйных тэхналогій і менеджменту ў Жэшаве. Я марыла аб тым цэлых два года, каб паступіць на такую праграму. Чаму менеджмент? З дзяцінства мне падабаецца камунікавацца з людзьмі і працаваць у камандзе, таму я думаю, што пасля заканчэння школы стану добрым менеджарам. Праграма SoL for Democracy – гэта добрая магчымасць для мяне даведацца больш пра дэмакратычнае грамадства. Я вельмі радая, што змагу прыняць удзел у гэтай праграме. Для мяне гэта вялікі гонар. Якія чаканні і жаданні ад вучобы і праграмы? – Перш за ўсё, гэта магчымасць для асабістага развіцця і магчымасць сустрэцца з людзьмі з усяго свету. Таксама ва Ўніверсітэце працуюць выдатныя выкладчыкі, якія ахвотна дзеляцца сваімі ведамі і дапамагаюць нам стаць добрымі спецыялістамі. Дзякуючы вучобе ва Ўніверсітэце інфармацыйных тэхналогій і менеджменту я магу быць упэўнена, што ў будучыні ў мяне будуць бязмежныя магчымасці і паспяховая кар'ера.

Праграма «Школа лідараў за дэмакратыю» была запушчана Універсітэтам інфаратыкі і менеджменту ў навучальным годзе 2020/21 як выраз салідарнасці з беларускім грамадствам, якое зараз перажывае няпросты час. У беларускіх стыпендыятаў будзе магчымасць, напрыклад, удзельнічаць у тэматычных семінарах і сустрэчах з прадстаўнікамі бізнесу і прадстаўнікамі фірмаў міжнароднай значнасці. Удзельнікамі праграмы таксама будуць займацца рэпетытары, і будуць праводзіць з імі індывідуальныя заняткі, накіраваныя на паляпшэнне здольнасцей і ведаў. Студэнты з Беларусі таксама могуць разлічваць на дапамогу сваіх старэйшых калег, цяперашніх студэнтаў універсітэта. Сярод іх студэнтка кампʼютарнай графікі і мультымедыйнай вытворчасці Віталіна Языкава:

-У мяне ёсць магчымасць стаць так званай старэйшай сястрой для некаторых студэнтаў, якія пачынаюць новы этап жыцця – навучанне ва ўніверсітэце ў іншай краіне. Ужо ў суботу адбудзецца першая Інтэрнэт-сустрэча са студэнтамі з Беларусі, якія атрымалі стыпендыю ў рамках «Школы лідараў за дэмакратыю». Я хацела б сказаць, што я вельмі радая, што ёсць такая магчымасць і такая праграма. Я сама беларуска і разумею, якая гэта цудоўная магчымасць і наколькі яна важная для беларусаў, якія вырашылі вучыцца ў Польшчы. Я з нецярпеннем чакаю суботы, каб павіншаваць студэнтаў з Беларусі і пажадаць ім цікавага студэнцкага жыцця.

Універсітэт інфаратыкі і менеджменту ў Жэшаве – адна з найбольш паспяховых польскіх прыватных ВНУ. Яна існуе ўжо 25 гадоў і вядзе актыўную працу ў галіне новых навук, звязаных з лічбавымі тэхналогіямі. У школе можна здабыць дыплом бакалаўра, магістра, а таксама рабіць дысертацыю. Студэнты, якія атрымалі магчымасць вучыцца ў рамках праграмы «Школа лідараў за дэмакратыю», будуць мець да чынення з прафесіяналамі ў галінах інфармацыйных, медычных і прыродных тэхналогій. Праграма, якую падрыхтавала вучэльня ў сталіцы падкарпацкага ваяводства – гэта толькі адна з многіх прапановаў, якія ў гэтым годзе стварылі польскія ВНУ для беларускіх студэнтаў. Салідарнасць студэнцкай і навуковай супольнасці заўважаецца ва ўсіх буйных гарадах Польшчы, як і ў іншых краінах Еўразвязу, якія з ахвотай прымаюць і дапамагаюць студэнтам, рэпрэсаваным за сваю грамадзянскую пазіцыю ў Беларусі.

аев