X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларусы ў Кіеве рыхтуюць спектакль паводле рамана Сашы Філіпенкі «Былы Сын»

12.05.2021 11:46
Патрэбная падтрымка беларускай дыяспары, каб гэты спектакль паказаць ва ўсіх краінах-суседках Беларусі і ўсім краінам беларускай эміграцыі.
Аўдыё
  • Вядомыя беларусы ў Кіеве ставяць спектакль паводле рамана беларускага пісьменніка Сашы Філіпенкі
Ілюстрацыйны здымакPixabay.com/Clker-Free-Vector-Images/CC0 Creative Commons

Вядомыя беларусы ў Кіеве ставяць спектакль паводле рамана беларускага пісьменніка Сашы Філіпенкі «Быўшы Сын». У ім гісторыя сям'і, якая жыве ва ўмовах дыктатуры Лукашэнкі, – кажа прадзюсар гэтага праекта Ігар Краснапольскі.

- Усе падзеі ў сямʼі адбываюцца на фоне падзеяў у краіне. Гісторыя пачынаецца з Нямігі, калі загінулі 50 чалавек. Адзін з нашых герояў пападае ў кому і вакол яго праходзіць трансфармацыя, змяненні ў псіхалогіі мамы, бабулі, яго каханай.

Унікальнасць гэтага праекта ў тым, што ўсе аўтары і акцёры – выхадцы з Беларусі, вымушаныя жыць за мяжой: Саша Філіпенка (аўтар), Уладзімір Ушакоў (рэжысёр і мастацкі кіраўнік забароненага ў Беларусі СХТ), Таццяна Мартынава (блогер «Хопіць Баяцца»), Анастасія Шпакоўская (актрыса тэатра імя Максіма Горкага, вакалістка гурта «Naka»), Сяргей Кузін (радыёвядучы, музыкант, шоўмэн, вядучы, былы генеральны прадзюсар «Альфа радыё» ў Мінску, цяпер «Радыё Рокс»), Яўген Казакевіч (акцёр, радыёвядучы), Аляксей Яравенка (акцёр), Павел Гарадніцкі (акцёр і рэжысёр «Беларускага Свабоднага тэатра», удзельнік групы «Разбiтае сэрца пацана»), і іншыя, чые імёны пакуль не выдаюцца.

«Патрэбная падтрымка беларускай дыяспары, каб гэты спектакль паказаць ва ўсіх краінах-суседках Беларусі і ўсім краінам беларускай эміграцыі», – падкрэслівае Краснапольскі.

- Дыяспара можа звязацца са мной або купіць білеты. Мы прапануем дыяспары купіць гэтак званы падвешаны білет, то бок, яны купляюць білет для кагосьці. І гэты білет мы зможам перадаць або бежанцам, якія аказаліся ва Украіне, або людзям, ад якіх залежыць лёс гэтых уцекачоў. Мы хацелі б запрасіць чыноўнікаў, ад якіх залежыць будучыня бежанцаў.

Прэмʼерныя паказы ў Кіеве плануюцца 19 і 20 мая. Кошт квіткоў 10-30 €.

Кожны, хто аплаціў білет атрымае персанальную падзяку, з подпісамі ўсіх удзельнікаў праекта, абяцаў Ігар Краснапольскі.

яс