X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Каталікі ў маі асаблівым чынам ушаноўваць Маці Божую

09.05.2021 11:14
Гэта час адмысловага набажэнства ў гонар Марыі – гэтак званае маёва.
Аўдыё
  • Каталікі ў маі асаблівым чынам ушаноўваць Маці Божую
Каплічкаandrzej_b/pixabay.com/CC0

Месяц май у Каталіцкім касцёле – асаблівы час, прысвечаны Божай Маці. Гэта час адмысловага набажэнства ў гонар Марыі – гэтак званае маёва.

Гэта адно з нешматлікіх набажэнстваў, якія прыжыліся сярод вернікаў і адпраўляюцца ў вёсках, таксама гарадах не толькі ў касцёлах, але і каля прыдарожных крыжоў і каплічак, без удзелу святара. Адначасова гэта форма набожнасці, якую вельмі папулярызуе і да якой заахвочвае духавенства. Май у касцёле з’яўляецца месяцам асаблівага культу Маці Божай. Гэтая традыцыя асабліва прысутная ў польскім касцёле, але таксама і ў заходняй Беларусі.

Там, дзе да касцёла ці парафіяльнай капліцы было далёка, распаўсюдзіўся звычай арганізавання спеваў каля крыжоў і каплічак менавіта ў маі. Вытокі маёвых набажэнстваў сягаюць Ватыкану ў 18 стагоддзі – расказвае Яцэк Яцкоўскі з Інстытута мастацтва Польскай акадэміі навук.

-Першыя сведчанні пра травень, як месяц, прысвечаны Маці Божай, паходзяць з канца XVI стагоддзя. У сваю чаргу маёвае набажэнства, айчынай якога, хутчэй за ўсё, была Італія, на пераломе XVIII і XIX стагоддзя распаўсюдзілася ў краінах Еўропы, між іншым, у Іспаніі, Францыі, Германіі і Аўстрыі. У сваю чаргу ў польскай марыйнай набожнасці маёвае набажэнства займае асаблівае месца.

У еўрапейскім вымярэнні развіццю марыйнага культу спадарожнічала выданне розных трактатаў, якія перакладаліся на розныя мовы. Практыка мая, як месяца Марыі ў сённяшнім разуменні, усталявалася ўжо ў XVIII стагоддзі. У 1815 годзе Папы рымскі Пій 7 зацвердзіў маёвае набажэнства фармальна і надзяліў яго рознымі адпустамі.

У нашай частцы Еўропы асаблівая папулярнасць маёвага прыпадае на першую палову XIX стагоддзя. Яцэк Яцкоўскі кажа, што найбольш актыўным у распаўсюдзе гэтай традыцыі былі манахі езуіты. На пачатку асаблівым чынам гэтая форма набожнасці была скіраваная да моладзі.

-Ідэя культу Марыі ў маі на самым пачатку мела аспект выхаваўчы, была скіраваная да моладзі. Напрыклад, у Тарнопалі ў 1827 годзе для вучняў гімназіі звычай увёў айцец Францішак Ксавэры Асум, а ў Старой Всі, дзе знаходзяцца старыя езуіцкія касцёл і манастыр, ёсць запісаныя сведчанні, што набажэнства адпраўлялі з 1836 году, у Львове – 1837 году. Першае маёвае набажэнства ў Кракаве адбылося ў касцёле святога Пятра, а ў Марыяцкім касцёле яго адпраўлялі з 1856 году. У Варшаве ў касцёле Святога Крыжа яно паяўляецца ў 1852 годзе. Што цікава, праз дзесяць гадоў касцёльныя ўлады рэкамендуюць адпраўляць маёвае набажэнства ва ўсіх храмах варшаўскай дыяцэзіі.

ХІХ стагоддзе – гэта перыяд існавання набажэнства ў храмах, часамі ў навучальных установах. Але ўжо ў другой палове ХІХ стагоддзя львоўскі арцыбіскуп заўважае, што толькі ў вёсках і мястэчках маёвае набажэнства распаўсюдзілася недастаткова. Паяўляецца рэкамендацыя, каб набажэнства паявілася паўсюль. І тут наступае пераход да народнага характару маёвага набажэнства.
Яцэк Яцкоўскі тлумачыць розніцу:

-У касцёлах маёвае адбываецца разам з усімі літургічнымі цырымоніямі. Звычайна, яно спалучана са Святой імшой. Адбываецца выстаўлення Святога Сакрамэнту, прысутнічае святар. І ў гэтым заключаецца самая галоўная розніцы набажэнства ў храме і яго народнай формы.

Асноўным пунктам набажэнства з’яўляецца малітва Літаніяй да Найсвяцейшай Дзевы Марыі, або Ларэтанская літанія. У народнай форме ёй спадарожнічаюць спевы. Варта дадаць, што ў народнай традыцыі пераважна ўсё набажэнства праходзіць у спяванай форме.

ав

Больш на гэтую тэму: Багацце веры