X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Сяргей Доўгушаў пра жыццё і творчасць па-за межамі Беларусі — нічога не спыняецца, рух працягваецца

12.10.2021 17:04
Музыка Сяргей Доўгушаў падкрэслівае, што з беларусамі трэба працаваць і па-за межамі Беларусі
Аўдыё
Сяргей ДоўгушаўФота: facebook.com/douhushau

Размаўляем з музыкам, культурным менеджарам, папулярызатарам беларускай традыцыі Сяргеем Доўгушавым пра хвалю вымушанай эміграцыі і ці магчыма ствараць культурны грунт для Беларусі, знаходзячыся па-за яе межамі.

– Сітуацыя складаецца так, што шмат людзей эмігруе, шукае лепшага жыцця. У Варшаве цяпер шмат музыкаў, культурных дзеячаў. Я заснаваў аркестр, у якім граюць толькі беларускія артысты. Тут цяпер калектыў Navy Band, Ягор Забелаў, Аляксей Варсоба, Андрэй Еўдакімаў, напэўна, і Лявон Вольскі  ў Польшчы. Мы з Аляксеем Варсоба і Еўдакімавым стварылі новы калектыў Isna Trio, з якім актыўна гастралюем у Польшчы і іншых краінах Еўропы Дзейнічае і тэатральны праект рэжысёра «Свабоднага тэатру» Юрыя Дзівакова. Я заснаваў арт-рэзідэнцыю, куды беларускія творцы могуць прыязджаць і працаваць, не думаючы пра побыт і ўласную бяспеку. Першая рэзідэнцыя была ў жніўні, за яе час была пастаўленая міні-опера з кампазітарам Вольгай Падгайскай і рэжысёрам Юрыем Дзіваковым. Гэта прыклад таго, як цяпер ствараецца новае.

У Беларусі цяпер сур'ёзны ўсплеск захворванняў на кавід, гэта моцна ўплывае на культурную сферу. Хаця ў краіне і няма лакдаўна, праводзіць масавыя мерапрыемствы проста безадказна.


– У Беларусі ўсё цяпер складана. Акрамя палітычных умоў, непрадказальных і небяспечных, вельмі цяжкая сітуацыя з кавідам, перапоўненыя бальніцы. Людзям няма як збірацца. Немагчыма казаць пра масавыя мерапрыемствы.


У жніўні проста падчас святкавання Дня вакалісткі Надзеі Калач былі затрыманыя музыкі з гурта Irdorath па падазрэнні ў арганізацыі групавых дзеянняў, якія груба парушаюць грамадскі парадак (арт. 342 КК) за іх музычныя выступы на масавых пратэсных шэсцях у жніўні 2020 года. Гэта быў яшчэ адзін аргумент для іншых артыстаў, каб з’ехаць з краіны.

– Большасць людзей з’ехалі, бо ў Беларусі небяспечна быць. І таму прыклад музыкі, якія падчас вулічных акцый ішлі па вуліцы і гралі на дудах. Гэта гурт Irdorath. Ім хочуць прыпісаць крымінальную справу толькі за тое, што яны гралі музыку. Яны больш за два месяцы ў турме. Гэта выпадак, пасля якога яшчэ больш музыкаў з’ехалі. З’язджаюць не толькі культурніцкія дзеячы, але і людзі іншых прафесій, праграмісты, медыкі, людзі, якія хочуць, каб іх сям’я жыла проста ў спакойных, бяспечных умовах.


— Ці не шкада гадоў працы, калі цяпер уся і грамадска-палітычная, і культурніцкія сферы выглядаюць раздушанымі?

– Агулам нічога не спыняецца, рух працягваецца. Гэта нейкі момант паўзы. У Беларусі я цяпер не змагу праводзіць спеўныя сходы, але пяць-шэсць год актыўнай працы стварылі падмурак, усё зафіксавалася. Гэта стала падмуркам для новых ініцыятыў, дапамагло стварыць новыя калектывы. Я разумею, што беларуская культура будзе тварыць цяпер у іншых краінах. Галоўнае, каб гэта захавалася і множылася, і калі надыдуць больш спакойныя часы ўсе вярнуліся. Дзе б я ні знаходзіўся, я раблю сваю працу на карысць Беларусі. Калі я раблю імпрэзы, гэта звязана з беларускай культурай, калі канцэрты, то гэта папулярызуе нашу культуру, музычныя інструменты.

Музыка Сяргей Доўгушаў падкрэслівае, што з беларусамі трэба працаваць і па-за межамі Беларусі: ствараць беларускія ўстановы, развіваць адукацыю. Гэта будзе ўплываць на захаванне нацыянальнай самасвядомасці і ўрэшце на жаданне людзей вярнуцца.

– Я ў прынцыпе нікуды і не з’язджаў. Я часова. Я не збіраюся нікуды інтэгравацца. З павагай стаўлюся да іншых культур, ведаю польскую мову. Але мая зямля там, дзе я нарадзіўся, дзе я гэта адчуваю. Як казаў Барадулін, Радзіма там, дзе адпачывае душа.

вх