Больш за 900 тысяч злотых плануе інвеставаць кампанія TOREL з Аўгустава ў спецыяльнай эканамічнай зоне ў Сувалках.
Кіраўніцтва зоны паведаміла, што TOREL укладзе як мінімум 935 тысяч злотых (212,5 тысяч еўра) на павелічэнне вытворчых магутнасцей і запуск новых вытворчых ліній.
Кампанія TOREL вырабляе пластыкавую ўпакоўку, у прыватнасці, крышкі для малочнай прамысловасці.
Інвестыцыя будзе рэалізаваная ў Аўгуставе. Дзякуючы ёй TOREL працаўладкуе новых супрацоўнікаў.
Нагадаем, кампаніі, якія хочуць інвеставаць у Спецыяльнай эканамічнай зоне ў Сувалках, могуць скарыстацца дзяржаўнай дапамогай у выглядзе вызвалення ад абавязку выплаты падаткаў.
PAP/аз