X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Палякі вызначылі тэрміны спынення здабычы каменнага вугалю на асобных шахтах

04.05.2021 12:03
Польшча распрацоўвае працэс трансфармацыі горназдабыўной прамысловасці.
Аўдыё
  • Палякі вызначылі тэрміны спынення здабычы каменнага вугалю на асобных шахтах.
Шахтаhangela/pixabay.com/CC0 Public Domain

Прэзідэнт Анджэй Дуда заявіў, што пагадненне паміж урадам і горнымі прафсаюзамі адносна паступовага спынення горназдабыўной прамысловасці да 2049 года адносіцца да працяглага перыяда. У інтэрв'ю TVP Info кіраўнік польскай дзяржавы заявіў, што энергетыка краін, якія раней поўнасцю працавалі на вугалю, патрабуе глыбокіх пераўтварэнняў. Ён адзначыў, што дамоўленасці, заключаныя з горным сектарам, прадугледжваюць паступовыя змены.

- Гэта будзе паслядоўнае, спакойнае і спланаванае дзеянне. У гэтым часе шахцёры будуць выходзіць на пенсію. Адначасова мы будзем рыхтаваць новых працаўнікоў для сучаснай эканомікі. Мы хочам накіроўвацца ў гэтым напрамку. Я часта размаўляю з шахцёрамі. У большасці выпадкаў праца пад зямлёй не з’яўляецца іхнай марай. Часта яны кажуць, што калі б маглі зарабіць столькі ў іншай працы, то ахвотна займаліся б нечым іншым.

Цяперашнім выклікам, з якім павінна справіцца польская эканоміка, з'яўляецца стварэнне сучаснага энергетычнага сектара, дадаў прэзідэнт.

- Сучасная энергетыка, гэта аднаўляльныя крыніцы і ахова клімату. Нашая задача справіцца з гэтым выклікам і быць у авангардзе. Менавіта таму План развіцця польскай энергетыкі прадугледжвае, што да 2030 году ўдзел энергіі з аднаўляльных крыніц складзе 32%, а да 2040 – больш за 40%.

Нагадваем у апошнюю сераду прафсаюзы і прадстаўнікі ўрада парафіравалі сацыяльнае пагадненне адносна трансфармацыі горназдабыўной прамысловасці ў Польшчы. Змест дакумента быў узгоднены пасля шматмесячных перамоваў.
Дакумент быў парафіраваны разам з некалькімі дадаткамі. Яны датычаць дзяржаўнай дапамогі, падтрымкі кампаній, звязаных з горназдабыўной прамысловасцю і інвестыцый у рэгіёне Сілезіі.

Таксама быў вызначаны тэрміны спынення здабычы каменнага вугалю на асобных шахтах да канца 2049 года. Аднак гэта не заканчвае працу. Грамадскі бок папрасіў два тыдні на кансультацыі са сваімі статутнымі органамі. Канчатковае падпісанне дакумента запланаванае ў сярэдзіне траўня. Наступным крокам будзе паведамленне Еўрапейскай камісіі аб прапанаваных рашэннях.

аз

Больш на гэтую тэму: Пульс эканомікі