У Польшчы жнівеньская інфляцыя пабіла абсалютны рэкорд. Такога не было 20 гадоў

Паводле папярэдніх ацэнак Статыстычнага ўпраўлення, прадукты харчавання падаражэлі ў жніўні ў сярэднім на 3,9% у гадавым вылічэнні, энергія на 6,1%, а паліва на 28%. 

Zdj. Ilustracyjne

Shutterstock

Ужо ў ліпені інфляцыя ў Польшчы дасягала 5% і стала самай высокай за дзесяць гадоў, пішуць на партале money.pl. У жніўні быў усталяваны новы рэкорд – інфляцыя склала 5,4%. і яна была самай высокай за апошнія 20 гадоў. Апошні раз такія тэмпы росту коштаў палякі бачылі два дзесяцігоддзі таму – у ліпені 2001 года, тады інфляцыя склала 5,2%, а ў чэрвені 2001 6,2%.

Апошнія дадзеныя, апублікаваныя Галоўным статыстычным упраўленнем Польшчы, сталі непрыемным сюрпрызам. Праўда, эканамісты ўжо некалькі месяцаў папярэджваюць аб росце цэнаў, аднак іх сярэдні прагноз прадугледжваў інфляцыю ў жніўні на ўзроўні 5,1%.

Больш дакладныя дадзеныя – што і наколькі падаражэла, будуць апублікаваныя толькі праз два тыдні. Варта таксама памятаць, што паказнік інфляцыі 5,4% – гэта сярэдні рост коштаў, асобныя катэгорыі тавараў і паслуг даражэлі значна мацней.

Паводле папярэдніх ацэнак Статыстычнага ўпраўлення, прадукты харчавання падаражэлі ў жніўні ў сярэднім на 3,9% у гадавым вылічэнні, энергія на 6,1%, а паліва на 28%. Пра вялізарную інфляцыю ў Польшчы пісалі на парале money.pl.

эж