X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Прыродны газ хутка даражэе, краіны ЕС бяруць пад абарону атамную энергетыку

13.10.2021 13:28
Атамная энергетыка адыгрывае важную ролю ў захаванні энергетычнай незалежнасці і стабільных коштаў на энерганосьбіты.
zdjęcie ilustracyjne
zdjęcie ilustracyjneShutterstock

Выданне Dziennik Gazeta Prawna піша пра вельмі высокія кошты энергіі ды сыравіны. Рэзкі рост цаны газу выклікае таксама павышэнне іншых коштаў, у прыватнасці, алюмінію. Гэты метал учора быў самы дарагі за апошнія 13 гадоў. На думку экспертаў, калі свет далей будзе праводзіць палітыку дэкарбанізацыі (адмаўлення ад вугалю), гэты трэнд будзе толькі паглыбляцца.

Частка прадпрыемстваў энергаёмістай прамысловасці на Захадзе ўжо заявілі, што ў выніку надта высокіх коштаў энергіі яны абмяжоўваюць свае вытворчыя магутнасці. Фабрыкі, якія вырабляюць штучныя ўгнаенні, паперу, шкло, металургічныя заводы патрабуюць выдзеліць ім дзяржаўную дапамогу.

Польскі прамысловы сектар таксама назірае за ростам цэнаў з занепакаеннем. Кампаніі, якія вырабляюць бытавую тэхніку, ужо заявілі пра павышэнне цэнаў на сваю прадукцыю, кераміка кажа пра скарачэнне вытворчасці. Дарагі газ прымушае затое вяртацца да выкарыстання ў большай ступені вугалю. Прафсаюз «Салідарнасць» шахцёраў заклікаў энергетычныя кампаніі, якія купляюць вугаль у польскіх шахтаў, плаціць за яго больш, чым дагэтуль.

 

На сайце Energetyka24.pl тэма, якая пасрэдным чынам звязана з высокімі коштамі прыроднага газу ды нафты. Гаворка ідзе пра ліст, які падпісалі прадстаўнікі Польшчы, Балгарыі, Чэхіі, Харватыі, Францыі, Фінляндыі, Румыніі, Славакіі, Славеніі ды Венгрыі. Гэта зварот міністра фінансаў Францыі Бруна Ле Мэра да еўрапейскіх адказных чыноўнікаў. У ім падкрэсліваецца важнасць укладу ядзернай энергіі ў намаганні па дэкарбанізацыі і забеспячэнні стабільнага забеспячэння энергіяй. Ліст апублікавалі буйныя еўрапейскія газеты.

У дакуменце падкрэсліваецца роля атамнай энергетыкі ў захаванні энергетычнай незалежнасці і стабільных коштаў на энерганосьбіты, што асабліва важна ў перыяд бягучага энергетычнага крызісу. «Ядзерная энергія – гэта ключавая, даступная, стабільная і незалежная крыніца энергіі. Атамная энергетыка «уносіць рашучы ўклад у незалежнасць нашых паставак энергіі. Гэта даступная энергія з нулявымі выкідамі, якая можа забяспечыць вялікую колькасць канкурэнтаздольнай электраэнергіі без павелічэння нашай залежнасці ад паставак энергіі з трэціх краін», – гаворыцца ў лісце.

Падпісанты таксама звяртаюць увагу на даклады вядучых міжнародных арганізацый, што роля атамнай энергіі мае, перш за ўсё, ключавое значэнне ў барацьбе з глабальным пацяпленнем. У звароце таксама падкрэсліваецца прагрэс ядзерных тэхналогій, таксама ў галіне абыходжання з радыеактыўнымі адходамі. «Для нас, еўрапейцаў, атамная энергетыка – гэта магчымасць далейшага развіцця прамысловасці з высокай дабаўленай вартасцю, стварэння тысяч кваліфікаваных працоўных месцаў, умацавання нашага экалагічнага лідарства і забеспячэння стратэгічнай энергетычнай аўтаноміі і самадастатковасці Еўропы».

У цяперашні час Еўрапейская камісія распрацоўвае праект, які прадугледжвае падтрымку інвестараў, якія прачыняюцца да ўстойлівага развіцця. Дзяржавы, якія выступаюць за атамную энергію, прыкладаюць намаганні, каб уключыць у яго атамную энергетыку. Ядзерныя праціўнікі, такія як Аўстрыя і Нямеччына, патрабуюць, каб падтрымка ЕС у галіне атамнай энергетыкі была заблакаваная, а таксама абмежаваць яе фінансаванне з прыватнага капіталу.

нг