У апошнія месяцы ў Германіі ідзе дыскусія аб удзеле кітайскай кампаніі COSCO ў будаўніцтве новага кантэйнернага транспартнага судна Tollerort у Гамбургу. Першапачаткова Кітай павінен быў набыць долю ў 35 працэнтаў, што дало б магчымасць уплываць на рашэнні, звязаныя з гэтым праектам. Нягледзячы на моцную падтрымку кітайцаў з боку канцлера Олафа Шольца, федэральны ўрад пагадзіўся толькі на ўдзел кітайцаў у памеры 24,9 працэнта, што не дае ім паўнамоцтваў для сумеснага прыняцця рашэнняў. Кітайцы пакуль не адказалі, ці згодныя яны на такую прапанову Нямеччыны.
Журналісты дзяржаўнай радыёстанцыі Norddeutscher Rundfunk (NDR) атрымалі ў распараджэнне дакументы і ўнутраныя прэзентацыі праўлення кампаніі HHLA (Hamburger Hafen und Logistik AG), якой належыць гамбургскі порт. Як аказалася, HHLA доўгі час знаходзіцца ў дрэнным стане. Порт становіцца ўсё менш канкурэнтаздольным з-за высокіх выдаткаў і нізкай механізацыі перавалачнай інфраструктуры. Самая вялікая праблема – кантэйнерныя перавозкі. HHLA згадвае парты ў Нідэрландах і Бельгіі, а таксама канкурэнта ў Гданьску.
Каб зноў стаць канкурэнтаздольнай, кампанію HHLA трэба мадэрнізаваць, зрабіць больш гнуткай і, магчыма, звольніць некалькі сотняў супрацоўнікаў. Але праблемы порта значна большыя, кажуць эксперты. У Гамбург трэба ўязджаць праз Эльбу, якая занадта плыткая для гіганцкіх кантэйнеравозаў, якія дамінуюць на гэтым рынку. Таму некаторым з іх даводзіцца разгружаць частку кантэйнераў раней, што робіць перавалку ў Гамбургу яшчэ даражэйшай, менш эфектыўнай. Глыбакаводныя парты, такія як Гданьск ці Амстэрдам, не маюць з гэтым праблем і, натуральна, выйграюць у Гамбурга.
biznesalert.pl / вх