У гарадку Явар(Jawor) у Ніжняй Сілезіі нямецкі аўтамабільны канцэрн Mercedes пабудуе фабрыку электрафургонаў. Ліст аб намерах па гэтай справе з удзелам прадстаўнікоў кампаніі і кіраўніка польскага ўраду надоечы быў падпісаны ў Канцылярыі прэм'ера. Паводле Матэвуша Маравецкага, гэта паказвае добры клімат для інвестыцыяў у Польшчы:
- Вядомыя кампаніі, якія некалькі гадоў таму даверылі Польшчы, як завод Mercedes – гэта доказ кірунку развіцця прамысловасці ў Польшчы. Мы стараемся ствараць найлепшыя ўмовы вытворчасці, як для польскіх, так і замежных інвестараў.
Завод у гарадку Явар павінен стаць першым цэнтрам вытворчасці нямецкага аўтаканцэрна, які будзе выпускаць толькі электрычныя фургоны. Завод будзе пабудаваны побач з дзеючым заводам Mercedes, які выпускае рухавікі і акумулятары.
IAR/аз