Цягам бліжэйшых 12 месяцаў 53 працэнты апытаных працаўнікоў хацелі б змяніць бягучую працу на іншую, а 50 працэнтаў плануе прафесійнае развіццё і набыццё новых кампетэнцыяў, паведамляе старонка pracuj.pl.
Паводле апытання, больш чым кожны трэці рэспандэнт хоча захаваць або знайсці баланс паміж працай і асабістым жыццём. У большасці выпадкаў планы супрацоўнікаў застаюцца вельмі падобнымі да планаў з мінулых гадоў.
«У той жа час, аднак, бачна, як на прафесійныя мэты ўплывае падзенне вартасці атрыманых заробкаў», – адзначае старонка.
Паводле апытання, больш за траціна рэспандэнтаў у гэтым годзе будзе прасіць свайго працадаўцу аб павышэнні зарплаты. 7 з 10 рэспандэнтаў заявілі, што ў 2023 годзе варта рабіць смелыя крокі ў кар'еры. 46 працэнтаў сцвярджаюць, што за мінулы год яны развіліся ў прафесійным плане, а 39 працэнтаў прытрымліваюцца супрацьлеглага меркавання.
Паводле звестак старонкі, рэспандэнты падзяліліся ў агульнай ацэнцы 2022 года ў плане прафесійнага жыцця. Пераважаюць пазітыўныя меркаванні – іх выказваюць 44 працэнты рэспандэнтаў. 39 працэнтаў апісваюць свой прафесійны вопыт таго часу як негатыўны.
Таксама было адзначана, што 67 працэнтаў рэспандэнтаў рыхтуюцца да складаных выпрабаванняў у сваім прафесійным жыцці ў новым годзе. Як адзначаюць эксперты старонкі pracuj.pl, пачатак 2023 года, несумненна, будзе цяжкім, але і цікавым перыядам на рынку працы.
аз