Толькі кожны дзясяты з апытаных плануе выдаткаваць больш за 200 злотых ($45), у асноўным гэта маладыя людзі ва ўзросце ад 15 да 29 гадоў.
Спатканне і падарункі сёлета каштуюць у сярэднім 350 злотых ($78), што на 15% больш, чым у мінулым годзе, падлічылі эксперты HRE Investments. Гэта кошт вячэры на дваіх у рэстаране, невялікія ўпрыгажэнні, букет з 7 ружаў, цукеркі і білеты ў кіно.
У буйным горадзе на вячэру на двух у рэстаране прыходзіцца выдаткаваць у сярэднім 158 злотых ($35).
Было таксама падлічана, што на падарунак у выглядзе сціплай біжутэрыі палякі выдаткуюць у сярэднім 85 злотых ($20).
У Польшчы модным падарункам з'яўляецца масаж для пары. Масажысткі і масажысты, якія працуюць у Дзень святога Валянціна, могуць зарабіць 200 злотых за гадзіну. Па словах спецыялістаў, на дадатковыя грошы ў Дзень закаханых могуць разлічваць і памочнікі на кухні, афіцыянты і фларысты.
яс/PAP