Гэта замена інгрэдыентаў прадуктаў на больш танныя, часам горшай якасці, піша партал money.pl.
Дарагавізна закранае ўсіх, у тым ліку і вытворцаў. Каб кампенсаваць пастаянна растучыя выдаткі вытворчасці, яны звычайна павышаюць цэны на тавары. Польскі эканамічны інстытут (PIE) лічыць, што ў 2022 годзе на такі крок пайшлі ажно 75 працэнтаў з усіх буйных кампаній у Польшчы.
Але гэта не адзіны спосаб барацьбы з ростам выдаткаў. 46 працэнтаў буйных кампаній краіны вырашылі ў мінулым годзе шукаць больш танныя сыравіну, матэрыялы і паслугі ў пастаўшчыкоў, – паказвае PIE ў аналізе дзеянняў кампаній у адказ на рост коштаў на энерганосьбіты і паліва.
Суразмоўцы парталу прызнаюць, што феномен выкарыстання вытворцамі больш танных, часта менш якасных заменнікаў для зніжэння сабекошту прадукцыі існуе. Але яе маштаб вызначыць няпроста.
– Усё часцей даводзіцца чуць, што «тавар папсаваўся». Гэта відаць па складзе розных прадуктаў, у асноўным харчовай прамысловасці, – кажа эканаміст Рафал Мундры, якога цытуе партал money.pl.
Напрыклад, возьмем папулярныя збожжавыя батончыкі. Пасля змен у іх складзе апынуўся больш танны пальмавы алей, а замест цукру – глюкозна-фруктозны сіроп. Дастаткова было параўнаць дзве ўпакоўкі: старую і новую.
Money.pl піша, што некаторыя кампаніі вырашаюць замест павышэння коштаў, зменшыць вагу тавару. Вытворцы вырашаюцца на гэты крок, таму што пакупнікам гэта цяжэй заўважыць. Нават калі яны пастаянна купляюць адны і тыя ж тавары, яны звяртаюць увагу на кошт тавару на паліцы крамы.
Пакупнікі заўважаюць змены ў крамах, але часцей за ўсё звяртаюць увагу на рост коштаў. Толькі нешматлікія чытаюць інгрэдыенты або правяраюць граматуру.
ав