Агульны кошт продажу электронікі – гэта вынік павышэння цэнаў, а не прададзенай колькасці электрапрыладаў. У вартасным выражэнні продажы электронікі толькі нязначна вышэйшыя, чым год таму, што – з улікам рашучага росту цэнаў – з'яўляецца катастрафічным вынікам. Падобным чынам сітуацыя выглядае ў выпадку мэблі, паведамляе Rzeczpospolita, спасылаючыся на дадзеныя GfK Polonia.
Газета звяртае ўвагу, што, нягледзячы на інфляцыю, сітуацыя на рынку бытавой электронікі, напрыклад, тэлевізараў ненайлепшая. Продажы ў гэтым сектары на 22 працэнты ніжэйшыя, чым у папярэднім годзе. У выпадку буйной бытавой тэхніцы – амаль на 8 працэнтаў, а кампʼютарнага сегмента – на 2,1працэнта.
«Настроі спажыўцоў кепскія, яны пагаршаюцца нават у флагманскіх сегментах, такіх як смартфоны, продаж якіх у красавіку ўпаў на 12,4 працэнта у колькасным выражэнні і скарачаецца з чэрвеня 2022 года. У вартасным выражэнні продаж расце да 40 працэнта, у залежнасці ад месяца, што сведчыць пра рашучы рост цэнаў на прылады», – паведамляе газета.
Падобная сітуацыя назіраецца на рынку бытавой тэхнікі, агульны абʼём продажаў якой за гэты перыяд у вартасным выражэнні быў меншы ажно на 7,6 працэнта, таму колькасны спад будзе значна большы.
Згаданая тэндэнцыя назіраецца практычна бесперапынна са жніўня 2022 года з невялікім адскокам у снежні. У 2023 годзе падзенне было ўжо двухзначнае – нават больш за 14 працэнтаў у студзені.
Старшыня арганізацыі вытворцаў бытавой тэхнікі APPLiA Polska Войцех Канэцкі, адзначае, што гэта вынік вялікіх закупак абсталявання падчас пандэміі – проста хатнія гаспадаркі дасягнулі сваіх пакупніцкіх мэтаў.
Паводле апытання PMR, з-за росту коштаў выдаткі на мэблю і рамонт скарачаюць 41 працэнт хатніх гаспадарак у Польшчы, паведамляе Rzeczpospolita.
аз