«Упершыню ў гісторыі люблінскага аэрапорту да сеткі стыковак далучыліся рэйсы ў Туніс. У суботу вылецелі першыя два самалёты ў турэцкую Анталью, а праз два дні першы рэйс адправіўся з турыстаў у Туніс», – паведамляе прэс-сакратар аэрапорту Пётр Янкоўскі.
– Нягледзячы на тое, што летнія канікулы толькі ў пачатку, я ўжо рады, што дзякуючы супрацоўніцтву з дзейнымі і новымі партнёрамі нам удалося падрыхтаваць добрую прапанову. Я спадзяюся, што гэта таксама будзе развівацца ў бліжэйшыя гады. Наш рэгіён мае вялікі патэнцыял для турыстычных агенцтваў, з году ў год павялічваецца колькасць жыхароў Люблінскага ваяводства, якія вырашаюць правесці адпачынак з найбліжэйшага да нас аэрапорта, – кажа Анджэй Гаўрылюк, кіраўнік Люблінскага аэрапорту.
Акрамя Туніса, упершыню з Любліна можна будзе паляцець на грэцкі востраў Радос. Палёты пачнуцца 23 чэрвеня. У сувязі з вялікай цікавасцю да адпачынку ў Турцыі з пачатку чэрвеня рэйсы ў Анталью будуць выконвацца чатыры разы на тыдзень. Стабільнай папулярнасцю карыстаюцца рэйсы ў харвацкі Спліт і балгарскі Бургас.
«Акрамя таго, выдатнай альтэрнатывай вандроўцы на машыне ці цягніку з’яўляюцца рэйсы з Любліна два разы на тыдзень на польскае ўзбярэжжа ў Гданьск. Прывабным напрамкам у сезон адпачынкаў, безумоўна, з’яўляецца Мілан, куды тры разы на тыдзень лятаюць самалёты з Люблінскага аэрапорта», – дадае Пётр Янкоўскі.
dziennikwschodni.pl / вх