Урад рыхтуе краіну да зімы і хоча аднавіць працу вугальных электрастанцый, каб гарантаваць пастаўкі электраэнергіі піша інтэрнэт-выданне Filary Biznesu спасылаючыся на нямецкую штодзёнку «Bild».
Гаворка ідзе пра электрастанцыю ў Еншвальдэ (Брандэнбург) і ў Нідэраусэм (Паўночны Рэйн-Вестфалія), якія працуюць на бурым вугалі. У 2021 годзе яны былі сярод найбуйнейшых забруджвальнікаў у Еўропе.
З-за велізарных выкідаў CO2 Нідэраусэм апынуўся на трэцім месцы, а Еншвальдэ на шостым. Такі вынік ацэнкі, праведзенай брытанскай няўрадавай арганізацыяй «Эмбер», адзначае партал.
Электрастанцыі ўваходзяць у склад рэзерву забеспячэння, які застаецца ў рэжыме чакання да канца сакавіка 2024 года. Яны прызначаны для электразабеспячэння зімой. Паводле Мінэканомікі, мэта складаецца ў тым, каб зэканоміць газ пры вытворчасці электраэнергіі – тлумачыць «Bild».
Такім чынам, немцы будуць карыстацца «бруднай электрычнасцю», нават нягледзячы на тое, што ўрад Германіі імкнецца да аховы клімату», – чытаем на сайце Filary Biznesu.
Тым, не менш, Міністэрства эканомікі Германіі абвясціла, што мэта па спыненні выкарыстання вугалю ў 2030 годзе застаецца нязменнай, як і кліматычныя мэты, нагадвае выданне, паведамляе выданне.
яс