Сітуацыя на Блізкім Усходзе негатыўна ўплывае на міжнародны гандаль

Паводле эканамістаў, сітуацыя на фінансавых рынках і рынку нафты зараз выглядае больш спакойна, чым у выходныя.

Ілюстрацыйнае фота

geralt/pixabay.com/CC0 Public Domain

Пасля пэўнай нервовасці на фінансавых рынках у выходныя, выкліканай эскалацыяй канфлікту на Блізкім Усходзе, пачатак тыдня выглядае больш спакойна. Галоўны эканаміст Bank Pocztowy Моніка Куртэк(Monika Kurtek) падкрэсліла, што цэны актываў, набываных у надзвычайных сітуацыях, перасталі расці:

- Крыху знізіўся кошт долара ў параўнанні з еўра. Нязначна вырасла цана золата. Цэны аблігацый асноўных дзяржаваў, гэтак званых базавых рынкаў, не растуць ужо настолькі выразна, як да выходных. Назіраецца пэўнае падзенне эмоцый.

Эканамістка дадала, што супакоіліся таксама цэны на рынку нафты:

- Цана барэля нафты маркі Brent на сусветных рынках зараз не перавышае 90 долараў. Нагадваю, да выходных  згаданы кошт перавышаў нават 92 долары. Гэта таксама доказ пэўнага супакаення сітуацыі.

Моніка Куртэк лічыць, што калі цэны на нафту не будуць расці, то гэта станоўча адаб'ецца на інфляцыі. У той жа час яна адзначыла, што канфлікт на Блізкім Усходзе негатыўна ўплывае на міжнародны гандаль.

IAR/аз