Эксперт Nieruchomosci-online.pl Рафал Бянькоўскі адзначае, што адсутнасць зніжэння працэнтных ставак па-ранейшаму пазбаўляе многіх людзей магчымасці набыць уласнае жыллё, анонс крэдыту на жыллё #naStart даў надзею на ўласнае жыллё, а таксама апасенні, што цэны зноў вырастуць.
Колькасць абʼяваў на другасным рынку планамерна павялічваецца са студзеня і гэтая тэндэнцыя, верагодна, захаваецца – так мяркуюць 54% апытаных агентаў, якія прымалі ўдзел у даследаванні. 32% чакаюць, што цяперашняя колькасць прапаноў захаваецца, 14 працэнтаў рэспандэнтаў прагназуе, што выбар будзе меншы, чым у пачатку года. У апытанні ўзялі ўдзел 1200 агентаў у сферы нерухомасці.
– Пакупнікі ўжо не адчуваюць такога ціску, як летась, калі «Бяспечны крэдыт 2%» імгненна вымыў з прапановы кватэры самых папулярных памераў. Як мы памятаем, у выніку ў многіх гарадах не было чаго купляць і была сапраўдная гонка за кватэрамі. Цяпер у нас больш нармальнасці: няма доўгіх чэргаў зацікаўленых прадаўцоў, на рынку зʼяўляецца больш кватэр, таму ў пакупнікоў нарэшце ёсць час прыняць рашэнне, –каментуе Рафал Бянькоўскі.
Эксперт кажа, што рынак крыху больш схіляецца ў бок пакупніка.
– Пастаянна расце колькасць прапаноў, гэта будзе азначаць, што ў другім квартале кліенты будуць мець на руках крыху лепшыя карты падчас перамоваў. Паколькі канкурэнцыя за прапановы на другасным рынку становіцца больш інтэнсіўнай, уладальнікам давядзецца быць больш гнуткімі. Асабліва тым, каму трэба адносна хутка прадаць кватэру, не чакаючы, пакуль у дзверы пастукаюць людзі з крэдытам #naStart, – дадае ён.
Цэны на кватэры растуць
63 працэнты апытаных агентаў па нерухомасці мяркуюць, што цэны на кватэры вырастуць у бліжэйшыя месяцы, 27 працэнтаў мяркуюць, што сітуацыя стабілізуецца, 10% бачыць рэальныя шанцы на зніжэнне коштаў.
– Прычын, па якіх кватэры на другасным рынку даражэюць, шмат. З аднаго боку, у нас ёсць абʼектыўныя фактары, такія як інфляцыя або павышэнне заробкаў. Будзем памятаць, што цэны на жыллё таксама ідуць за больш высокімі заробкамі, нават калі яны павялічваюцца не ва ўсіх галінах. З іншага боку, у нас ёсць звычайныя эмоцыі. Настроі прыватных прадаўцоў няўстойлівыя (нашмат больш, чым дэвэлапераў) і часта прадыктаваныя навінамі з рынку, – кажа Рафал Бянькоўскі.
Як паведамляецца ў «Kwartalniku Mieszkaniowym» Otodom i Polityki Insight, у першым квартале 2024 года сярэднія запытаныя цэны продажаў выраслі на 3,2% год да года, што прывяло да павелічэння гадавога тэмпу росту цэн да 15,6%. У той час цэны на кватэры на другасным рынку раслі хутчэй: на 17,9% год да года супраць 13,9 працэнта на рынку дэвэлапераў
Dziennik Gazeta Prawna/вх