Але гэтае жорсткае пакаранне істотна не зменшыла колькасць пʼяных на дарогах, паведамляе Rzeczpospolita.
«У сярэднім больш за 140 аўтамабіляў у тыдзень з пʼянымі кіроўцамі спыняе паліцыя. У адпаведнасці з правіламі, якія дзейнічаюць з 14 сакавіка гэтага года, страта аўтамабіля пагражае кіроўцам, якія кіруюць аўтамабілем з колькасцю алкаголю ў крыві больш за 1,5 праміле, а таксама тым, хто ўчыніў ДТЗ і быў у гэты час з утрыманнем алкаголю ў крыві вышэй за праміле або ў выпадку рэцыдыву», – тлумачыць выданне.
Паводле дадзеных Камендатуры Галоўнай паліцыі, менш чым за два з паловай месяцы дзеяння новага закону міліцыя канфіскавала агулам 1571 аўтамабіль па ўсёй краіне.
«За першыя тры тыдні пасля ўступлення ў сілу новага закона было канфіскавана 480 аўтамабіляў, а за наступныя тыдні (да 24 мая) – 1091. Тэмпы абароны ў выніку выяўлення нецвярозых кіроўцаў, хоць і менш уражлівыя, але падобныя. Насуперак чаканням, увядзенне такой радыкальнай меры не стала канчатковым фактарам стрымлівання. «Халодны душ быў толькі напачатку» – прызнаюць у паліцыі. Так, у першыя суткі дзеяння правілаў канфіскацыі было затрымана 167 пʼяных кіроўцаў, а ў першыя выхадныя – 260-270 у суткі. Але ўжо, напрыклад, 2 красавіка, у аўторак, іх было выяўлена амаль паўтысячы, а ў мінулыя выхадныя – больш за 300 за дзень», – адзначае выданне.
Толькі ў Варшаве да ўступлення ў сілу нормы аб канфіскацыі аўтамабіляў (з 4 студзеня па 13 сакавіка) паліцыя затрымала 107 пʼяных кіроўцаў і чатырох у стане наркатычнага ўздзеяння. За аналагічны перыяд пасля ўступлення ў сілу канфіскацыі (14 сакавіка – 24 мая) – налічвалася ўжо 125 пʼяных і дзесяць былі пад наркатычнымі рэчывамі.
«У краіне сёлета на «двайным газе» было выяўлена 34 тысячы кіроўцаў (на 2,2 тысячы менш, чым за аналагічны перыяд мінулага года). Кожны год больш за палову злоўленых за рулём пасля спажывання алкаголю складаюць вадзіцелі ў г.зв стане алкагольнага апʼянення, то бок тыя, хто здзейсніў злачынства», – падкрэслівае выданне.
Адзначаецца, што канфіскацыя аўтамабіляў не спрацавала ў краінах, якія ўвялі падобныя рашэнні, напрыклад, у Нідэрландах, Латвіі і Літве. Гэта прыносіць большыя выдаткі, чым карысць для грамадства.
вх