Кампанія Electromobility Poland, адказная за праект польскага электрамабіля IZERA, які быў прыпынены, не здалася і мае намер змагацца за сродкі на будаўніцтва завода электрамабіляў у Явожна ў паўднёвай частцы Польшчы. Грошы паступяць з Нацыянальнага плана рэканструкцыі, які фінансуецца ЕС.
Кампанія хоча падаваць на сродкі, якія выдзяляе Нацыянальны фонд аховы навакольнага асяроддзя і воднай гаспадаркі пераможцам аб'яўленага конкурсу. Да падзелу больш за мільярд еўра на суфінансаванне праектаў, звязаных з вытворчасцю з нізкім узроўнем выкідаў.
Новая канцэпцыя, прынятая кампаніяй Electromobility Poland, прадугледжвае вытворчасць аўтамабіляў еўрапейскай маркі.
Тэхналагічны партнёр праекта пакуль не раскрываецца. Да 80% камплектуючых для вытворчасці электракараў будуць паступаць ад польскіх пастаўшчыкоў, што дазволіць стварыць у Сілезіі да 30 000 працоўных месцаў, кажа Павел Тамашэк (Paweł Tomaszek), прэс-сакратар Elektromobilty Poland.
— У кампаніі ёсць усе неабходныя афіцыйныя дазволы на пачатак будаўніцтва завода. З адпаведнай фінансавай падтрымкай мы можам хутка перайсці ад планаў да рэалізацыі.
Нацыянальны фонд аховы навакольнага асяроддзя і воднай гаспадаркі выдзеліць грошы на гатовыя да рэалізацыі праекты.
«Прадпрымальнік павінен пераканаць нас, што ён гатовы вывесці прадукт на рынак», – дадае намеснік старшыні фонду Павал Аўгустын (Paweł Augustyn).
— Нехта звяртаецца да нас і заяўляе: "я буду рабіць аўтамабілі", а мы адказваем яму: "добра, але вы павінны нам усё паказаць, дзе вы будзеце браць запчасткі, каму будзеце прадаваць машыны. Увесь ланцужок вытворчасці".
Мінімальная сума ад Нацыянальнага фонду аховы навакольнага асяроддзя на вытворчасць транспартных сродкаў з нізкім узроўнем выкідаў, акумулятараў або зарадных станцый складае 50 мільёнаў злотых (12,5 мільёна еўра).
Міхал Макоўскі/яс