Замежныя кампаніі трацяць пазіцыю бізнес-лідараў у Польшчы

Выданне Rzeczpospolita апублікавала спіс 500 найбуйнейшых кампаній у Польшчы.

Польскі паліўны канцэрн Orlen

Shutterstock/MOZCO Mateusz Szymanski

У 500 найбуйнейшых кампаніяў Польшчы працуе ў агульнай складанасці 1,6 мільёна чалавек. Упершыню за 25 гадоў большая частка з іх – гэта кампаніі з прыватным, польскім капіталам. Лідарам «Спісу 500» выдання Rzeczpospolita з’яўляецца паліўны канцэрн Orlen.

Газета нагадвае, што з пачатку XXI стагоддзя найбольшы працэнт у згаданым спісе складалі замежныя кампаніі, але ў апошнім выданні рэйтынгу лідзіруюць суб'екты з польскім, прыватным капіталам.

«Гэта 232 кампаніі, або 46,4 працэнта ад усіх у спісе. Іх на 15 больш, чым годам раней. За дзесяцігоддзе іх колькасць павялічылася на 30, а за апошнія 20 гадоў — больш чым на 80 суб'ектаў», — паведамляе штодзёнка.

У сваю чаргу група замежных кампаній скарацілася на 15 суб'ектаў у параўнанні з аналагічным перыядам мінулага года і цяпер складае 224. Такім чынам, яны складаюць 44,8 працэнта ад усіх прысутных у спісе, у той час, як 10 гадоў таму іх было амаль 260.

Хоць у «Спісе 500» дзяржаўных кампаній адносна няшмат, але гэта вельмі буйныя структуры, што добра адлюстроўвае статыстыка, заснаваная на памеры даходаў.

У гэтым плане дзяржаўныя прадпрыемствы складаюць больш за адну пятую (20,6 працэнта). Аднак найбольшая доля даходаў (прыкладна 41 працэнт) прыпадае на прыватныя польскія кампаніі.

Тройка лідараў сёлетняга рэйтынгу «Спісу 500», гэта Orlen, Jeronimo Martins і, падняўшыся з пятага на трэцяе месца, азартная кампанія Totalizator Sportowy.

аз