Міністэрства клімату Польшчы распрацавала праект Рэспубліканскай пошукавай праграмы. Пошукі будуць праводзіцца ў першую чаргу ў Ніжняй Сілезіі ў паўднёва-заходняй частцы Польшчы.
Дырэктар Польскага геалагічнага інстытуту Кшыштаф Шамалэк (Krzysztof Szamałek) мяркуе, што ёсць вялікія шанцы знайсці радовішчы ў гэтым рэгіёне.
— Большасць месцаў, якія могуць быць для нас цікавымі, знаходзіцца ў Ніжняй Сілезіі. Гэта звязана з геалагічнай гісторыяй гэтага рэгіёна. Між іншым, мы спадзяемся знайсці там поліметалічныя медныя руды.
Намеснік міністра клімату і галоўны нацыянальны геолаг Кшыштаф Галёс (Krzysztof Galos) чакае, што могуць быць знойдзены таксама радовішчы графіту.
— Верагодна, там можа быць знойдзена гэтая сыравіна. Адкрыццё радовішчаў графіту можа аказаць значны ўплыў на рынак і на пастаўкі стратэгічнай сыравіны.
Мінклімату Польшчы стварыла спіс стратэгічнай сыравіны. Менавіта на ім будзе сканцэнтраваны пошук. У спіс увайшлі барыт, гелій, флюарыт і коксавы вугаль.
IAR/яс