Паводле выдання Puls Biznesu, дэфіцыт дзяржаўнага бюджэту Польшчы на 2026 год можа скласці ад 290 млрд зл (каля 68 млрд €) да 300 млрд злотых (каля 70,3 млрд €).
На стале ўрада ўжо ёсць некалькі прапаноў па скарачэнні дэфіцыту. Найперш — змены ў падаткаабкладанні банкаў, якія маглі б прынесці каля 10 млрд злотых (каля 2,34 млрд €) дадатковых даходаў у дзяржаўны бюджэт.
Аднак, паводле крыніц выдання, планы Міністэрства фінансаў былі значна шырэйшыя. У іх ліку — падвышэнне акцызы з продажу так званых мярзаўчыкаў (малых бутэлек моцнага алкаголю).
Прэзентацыю новых рашэнняў адклалі пасля таго, як прэзідэнт Караль Наўроцкі падчас пасяджэння Кабінетнай рады адкрыта заявіў, што выступае супраць павышэння падаткаў.
— Трэба падумаць, ці варта прадстаўляць ідэі, якія не маюць шанцаў на рэалізацыю, — цытуе Puls Biznesu аднаго з прадстаўнікоў урада.
Такім чынам, перад урадам Польшчы стаіць складаная задача: з аднаго боку, неабходнасць абмежаваць рэкордны дэфіцыт, а з другога — палітычныя бар’еры, якія могуць заблакаваць нават умераныя падатковыя ініцыятывы.
эж