Паводле папярэдняй ацэнкі Галоўнага статыстычнага ўпраўлення, з красавіка па чэрвень польская эканоміка вырасла на 3,8 працэнта ў параўнанні з аналагічным перыядам мінулага года. У першым квартале рост склаў 3,5 працэнта.
На думку эканамістаў банка ING, польская эканоміка дэманструе добрыя вынікі, нягледзячы на канфлікт на Блізкім Усходзе.
— Даступныя дадзеныя паказваюць, што будаўнічая вытворчасць у другім квартале аднавілася пасля складанага пачатку года, калі неспрыяльныя ўмовы надворʼя істотна абмежавалі актыўнасць у гэтым сектары. Таксама палепшылася сітуацыя ў прамысловым сектары. Крыху горшымі, аднак, былі вынікі рознічнага гандлю, — гаворыцца ў каментары банка.
Таксама адзначаецца, што рост коштаў на паліва не прывёў да скарачэння выдаткаў на бензін і дызельнае паліва, хаця ва ўмовах запаволення росту заробкаў назіралася абмежаваная магчымасць хатніх гаспадарак набываць іншыя тавары.
Банк падрыхтаваў эканамічны прагноз, паводле якога ў цэлым у 2026 годзе рост ВУП Польшчы складзе 3,4 працэнта.
IAR/яс