У маі занятасць на прадпрыемствах у Польшчы знізілася, але заробкі былі вышэйшыя, чым год таму. З апошніх дадзеных Галоўнага статыстычнага ўпраўлення (GUS) вынікае, што занятасць у мінулым месяцы была на 0,8% ніжэйшай.
Эканамістка Малгажата Старчэўска-Кшыштошэк (Małgorzata Starczewska-Krzysztoszek) лічыць, што зніжэнне занятасці ў кампаніях з'яўляецца незразумелым.
— Шэрую зону вельмі рэдка вывучаюць, але ці зніжэнне занятасці не з'яўляецца эфектам росту заробкаў, які прыводзіць да росту шэрай зоны. Таму магчыма, што занятасць не зменшылася, а сышла ў шэрую зону.
Сярэднемесячная заработная плата брута ў Польшчы склала 8 670,51 злотых (2 115 еўра). Намінальна гэта на 8,4% больш у параўнанні з маем мінулага года.
Паводле эксперткі гэта значны рост заробкаў.
Дадзеныя Галоўнага статыстычнага ўпраўлення тычацца кампаній, якія наймаюць 10 і больш супрацоўнікаў.
IAR/яс