Восень – гэта час, калі прырода прапануе магчымасці для дадатковага даходу. Каштаны, якія растуць у парках неядомыя, але яны выкарыстоўваюцца, напрыклад, у касметалогіі. А калі вы сабралі іх больш, то можаце прадаць і атрымаць дадатковы даход, паведамляе старонка Business Insider.
Колькі можна зарабіць на восеньскім ураджаі? Каштаны выкарыстоўваюцца ў такіх галінах, як фармацэўтычная і касметычная, дзе з іх вырабляюць крэмы ад варыкознага пашырэння вен, бальзамы для цела іг.д.
Каштаны – закупачныя цэны ў 2025 годзе
Аднак сёлетнія цэны на каштаны ніжэйшыя, чым у мінулым годзе. Чаму?
У мінулым годзе кілаграм каштанаў каштаваў да 1,70 злотага па закупачных цэнах. У цяперашні час цэны ніжэйшыя і вагаюцца ад 50 грошаў да 1 злотага за кілаграм у залежнасці ад рэгіёна.
У Куяўска-Паморскім ваяводстве іх кілаграм можна прадаць максімум за 1 злоты, у Мазовіі – за 70 грошаў, а ў Заходняй Памераніі – за 50 грошаў, паведамляе сайт Strefa Agro.
Уладальнік крамы па закупцы каштанаў з Велёвсі (Wielowieś) у Любускім ваяводстве Рышард Маёрэк у інтэрв'ю старонцы bankier.pl тлумачыць, што падзенне цэн звязана з вялікімі запасамі непрададзеных каштанаў і імпартам з Венгрыі і Украіны.
Якія віды каштанаў запатрабаваныя?
Цэнтры па закупцы прымаюць толькі сухія, непашкоджаныя каштаны, без шкарлупіны і слядоў цвілі. Каб яны не высахлі занадта хутка, іх варта захоўваць у сухім і цёмным месцы.
Не толькі каштаны!
Жалуды таксама могуць прыносіць прыбытак. Напрыклад, жалуды з англійскага дуба, якія выкарыстоўваюцца ў касметыцы, дасягаюць цэн ад 2,5 да 4,5 злотага за кілаграм. Гэта падобна на мінулагодні іх кошт.
Збор каштанаў і жалудоў – гэта праца, якой можа займацца амаль кожны. Іх можна прадаваць на мясцовых рынках, дзеля чаго не трэба рэгістраваць ніякай гаспадарчай дзейнасці.
аз