Падляскія прадпрымальнікі станоўча ацанілі рашэнне польскага ўрада пра адкрыццё памежных пераходаў з Беларуссю.
17 лістапада зноў адкрыліся КПП у Баброўніках і Кузніцы Беластоцкай. Раней Польшча закрыла свае межы з-за ўзмоцненых правакацый з боку Беларусі.
Падляскія прадпрымальнікі настойвалі на адкрыцці памежных пераходаў. Як падкрэсліла Эвеліна Грыгатовіч-Шумоўская з Альянсу польскіх прадпрымальнікаў «Аб'яднаны Усход», памежны рух з'яўляецца ключавым элементам эканамічнага развіцця для жыхароў Падляшша.
«НУ нашым рэгіёне пераважае сельскагаспадарчая і лясная гаспадаркі. Так званы шопінг-турызм быў рухаючай сілай нашай эканомікі».
Падляскія прадпрымальнікі адзначаюць, што адкрыццё памежных пераходаў дазволіла аднавіць працу шматлікім арганізацыям сферы паслуг і камерцыі, у тым ліку транспартным кампаніям, гасцініцам і рэстаранам.
Падляскі ваявода Яцэк Бжазоўскі таксама пацвярджае гэтую пазіцыю. На яго думку, пачаўся працэс адраджэння мясцовай эканомікі на Падляшшы.
IAR/Мацей Ястшэмбскі/яс