Зніжэнне зафіксавана ва ўсіх ваяводствах, прычым у пятнаццаці з іх падзенне мае двухзначны характар. Найбольшы спад адзначаны ў Свентакшыскім, Падкарпацкім і Сілезскім рэгіёнах. Найменшыя страты – у Мазавецкім, Паморскім і Лодзкім, дзе рынак больш устойлівы і дыферэнцыяваны.
Эксперты падкрэсліваюць, што размова ідзе не пра калапс, а пра эвалюцыю паводзінаў пакупнікоў.
Кліенты сталі больш асцярожнымі і мэтанакіраванымі, радзей ходзяць у гандлёвыя цэнтры «пагуляць», а візіты часта спалучаюць з онлайн-пакупкамі. Скарацілася і сярэдняя працягласць знаходжання ў галерэях – на 4 %, што сведчыць пра больш хуткія і эфектыўныя пакупкі.
Асабліва прыкметна падае наведвальнасць у буйных цэнтрах. Яны часта не могуць прапанаваць ані блізкасці і зручнасці маленькіх аб’ектаў, ані шырыні прапановы найбуйнейшых комплексаў. Маленькія галерэі, наадварот, умацоўваюць пазіцыі: яны бліжэй да паўсядзённых патрэбаў, зручна размешчаныя і прапануюць дастатковы асартымент. Самыя вялікія цэнтры таксама трымаюцца стабільна – дзякуючы размяшчэнню ў буйных агламерацыях і шырокаму набору паслуг.
– Значэнне малых гандлёвых галерэй расце, бо яны бліжэй да паўсядзённых патрэб спажыўцоў. Кліенты ахвотна выбіраюць аб’екты, размешчаныя блізка да месца пражывання, якія зручныя, лёгкія ў доступе і прапануюць пакупнікам неабходнае. Гэта вынік папулярызацыі фармату convenience. На другім месцы – большыя гандлёвыя цэнтры, якія знаходзяцца ў агламерацыях, таму ў іх зоне дасяжнасці жыве шмат людзей. Часам у іх прыязджаюць нават спажыўцы з усяго ваяводства, бо яны прапануюць найбольш шырокі выбар тавараў і паслуг, – тлумачыць Матэўш Новак, суаўтар дакладу з Proxi.cloud.
Тры галоўныя фактары рухаюць гэты тэндэнцыю: рост цэнавага ціску, лепшае планаванне пакупак дзякуючы онлайн-каналам і сталасць рынку. Меншая частата наведванняў не з’яўляецца праблемай для арандатараў, калі расце сума пакупкі і лаяльнасць кліентаў. Ключавым становіцца падтрымка кантакту паміж візітамі – праз лічбавую камунікацыю, праграмы лаяльнасці і лакальныя актыўнасці.
Паводле fakt.pl/вх