На днях пачаліся выступы кандыдатаў у дэпутаты. Апроч выступу, які не паказалі з-за закліку да імпічмэнта Лукашэнку, заявы кандыдатаў прайшлі без вялікага рэха. Улады сёлета хочуць атрымаць абсалютна лаяльную Палату прадстаўнікоў, кажа эксперт.
Парламенцкая выбарчая кампанія ў Беларусі ў разгары, аднак вялікай цікавасці да яе мы ня бачым. Паводле маніторынгу Беларускай асацыяцыі журналістаў, якая прааналізавала асвятленне ў СМІ парламенцкіх выбараў у 2019 годзе, галоўная характарыстыка выбараў – гэта дэпалітызацыя працэсу выбараў. Пра што сведчыць дамінацыя ў дзяржаўных СМІ тэхнічнай інфармацыі пра арганізацыю выбарчай кампаніі, націск на лічбы, а не на прозвішчы. Галоўнымі суб'ектамі выбарчага працэсу сталі прэзідэнт краіны і ЦВК, якія сваймі выказваннямі вызначалі, як маюць прайсці выбары і якім павінен быць будучы склад парламента.
Грамадству ўлады транслююць сігнал, што ўсё вызначана, ня вашая справа, хто гэта ўсё кантралюе. Такія бачна выразныя абрысы бягучай палітычнай кампаніі. Гэта звязана з тым, што ўлады хочуць атрымаць абсалютна лаяльны парламент, перакананы аглядальнік Аляксандр Класкоўскі.
Размаўляў Юры Ліхтаровіч
Слухайце аўдыё