X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Сенсацыйныя падзеі ў Беларусі - 33 расійскія баевікі ці выпадкова затрыманыя?

01.08.2020 16:40
Таксама сярод важнейшых падзей тыдня - зварот С. Ціханоўскай да прэзідэнта.
Аўдыё
Уладзімір Падголradyjo.net

Святлана Ціханоўская выступіла з відэазваротам, у якім заклікала Лукашэнку пазмагацца з ёй на дэбатах у жывым эфіры.

«Дэбаты, якія вы прапануеце нам – гэта фарс. Дэбаты, якія вы прапануеце нам – гэта пустое марнаванне часу беларусаў, якія будуць іх глядзець. Дэбаты, якія вы прапануеце нам – гэта такая ж падробка, як і вашы выбары», – сказала Ціханоўская.

Ціханоўская прапанавала Лукашэнку сустрэцца на сапраўдных дэбатах, сам-насам, у жывым эфіры на Бангалор, перад беларускім народам. Памятаеце, як Зяленскі зладзіў дэбаты з Парашэнкам на стадыёне? Гэта было вельмі цікава, непрадказальна.

------------------------------------------------------------------------------------------------------------------------------

Уначы пад Мінскам затрымалі 33 баевікоў замежнай прыватнай ваеннай кампаніі. Цікава, што падчас наведвання 5-й асобнай брыгады спецыяльнага прызначэння ў Мар'інай Горцы 24 ліпеня Аляксандр Лукашэнка казаў менавіта пра прыватныя ваенныя кампаніі.

А. Лукашэнка: Дзяржсакратар [Раўкоў] правільна сказаў, што ўсякія войны цяпер пачынаюцца з вулічных пратэстаў, дэманстрацый, потым майданы. На майдан, калі сваіх няма (у нас замала «майданутых»), іх падцягнуць з боку. Гэта прафесійныя вайскоўцы, бандыты, якія спецыяльна рыхтуюцца, у асноўным у рамках ПВК па ўсім свеце, і зарабляюць вялікія грошы на правакацыях у тых ці іншых дзяржавах.

Сяргей Чэрачэнь па выніках пасяджэння ЦВК распавёў, што сакратар Рады бяспекі Андрэй Раўкоў папярэдзіў, што трэба прадухіліць правакацыі, і яны могуць адбыцца. «Рыхтуюцца яшчэ групоўкі, якія могуць прыехаць на тэрыторыю краіны, і яны (правакацыі) магчымы падчас пікетаў і канцэртаў», – сказалі нам.

Андрэй Дзмітрыеў, які выйшаў за ім, дадаў, што ім, кандыдатам у прэзідэнты, сказалі, што ў краіне ёсць 170 баевікоў, абучаных падрыўной і снайперскай дзейнасці. І калі каранавірус пагражае назіральнікам, то ў выпадку з баевікамі, яны пагражаюць «масавым мерапрыемствам».

«Складана ставіць пад сумнеў словы сакратара Рады бяспекі. Ён павінен быць чалавекам, які адказвае за свае словы, бо інакш усё кепска ў краіне, але мне хапіла вялікага кавалка інфармацыі, каб разумець, што адбываецца. Калі нам кажуць, што ў краіне 170 чалавек, я хачу разумець, што мы робім, дзе закрытыя гарады, дзе блокпасты, як мы іх ловім? Нам кажуць (прабачце, я запісваў, мне будзе прасцей), што пад Псковам і Невелем фармуюцца яшчэ нейкія групоўкі. Калі мы пабачым ноту МЗС Беларусі да МЗС Расіі? Бо гэта сурʼёзна, гэта не жарты», – задаўся пытаннем кандыдат у прэзідэнты.

«Дык гэта Раўкоў такое сказаў, пра Пскоў і Невель?» – перапытвае адзін з журналістаў.

«Так, ён сказаў, што пад Псковам і Невелем ёсць яшчэ дзве групоўкі, якія фармуюцца ў падобных мэтах».

«Лічу, што гэта інфармацыя вельмі сурʼёзная, і павінны рэагаваць на гэта спецслужбы і Беларусі, і Расіі», – дадаў Дзмітрыеў.

Раўкоў сказаў нам, паведамляе Дзмітрыеў, што некаторыя баевікі расказалі, што прыехалі сюды «рабіць рэвалюцыю». Але менавіта «некаторыя».

Дзмітрый Мезенцаў заявіў, што затрыманыя расіяне накіроўваліся транзітам у трэцюю краіну, але праз спазненне на рэйс засталіся і пасяліліся ў санаторый «Беларусачка» пад Мінскам.

Ён таксама назваў беспадстаўнымі сцвярджэнні аб спробе ўмяшання затрыманых расіянаў ва ўнутраныя справы Беларусі. На яго думку, гэта «толькі дапамагае ворагам Саюзнай дзяржавы ўносіць разлад у брацкія адносіны нашых краін».

- Расіяне, якія прыбылі ў санаторый «Беларусачка» пад Мінскам, былі вымушаныя гэта зрабіць у сувязі з тым, што спазніліся на рэйс з Нацыянальнага аэрапорту сталіцы Беларусі, накіроўваючыся транзітам у трэцюю краіну. Яны мелі намер вылецець з Мінска 25 ліпеня і не збіраліся знаходзіцца ў Беларусі нейкі працяглы час, а пазней планавалі вярнуцца ў расійскую сталіцу з іншай дзяржавы таксама самалётам, абыходзячы тэрыторыю Беларусі. Падставай для іх прыезду ў краіну зʼявіўся кантракт з адной з камерцыйных фірмаў, якая зарэгістраваная тут, у Беларусі, а кожны меў з гэтым прадпрыемствам заключаны працоўны дагавор, – заявіў Мезенцаỳ.

Ён таксама адзначыў, што паводле інфармацыі, якую яшчэ трэба ўдакладніць, расіяне могуць зʼяўляцца супрацоўнікамі прыватнага ахоўнага прадпрыемства, якое забяспечвае ахову энергетычнай інфраструктуры і рэсурсаў за мяжой – зусім не ў Беларусі.

- Чакаем ад кампетэнтных органаў Рэспублікі Беларусь доказнай інфармацыі, якая пацвярджае абгрунтаванасць праведзенага затрымання расійскіх грамадзян і прадʼяўленых ім абвінавачванняў па шэрагу артыкулаў Крымінальнага кодэкса РБ, як і завядзення крымінальнай справы, аб чым абвешчана 30 ліпеня, – падкрэсліў пасол.

Мезенцаỳ таксама распавёў, што 30 ліпеня ў ходзе сустрэчы з кіраўніком МЗС Беларусі Уладзімірам Макеем, ён запатрабаваў забяспечыць доступ консульскіх супрацоўнікаў да расіянаў, аб чым была накіравана адпаведная нота.
Адказваючы на адно з пытанняў карэспандэнтаў, дыпламат адзначыў, што «нашэнне камуфляжнай формы, як і нежаданне падтрымаць хлебасольныя славянскія традыцыі, «негатоўнасць» падняць «добрую чарку» за сяброў – у перыяд знаходжання ў любым санаторыі Беларусі – не бачацца падставай для такой пільнай увагі СМІ, як і асновай для дзеянняў праваахоўных органаў без пераканаўчых і важкіх на тое падстаў».

- Адыёзная трактоўка беларускім бокам затрымання 33 грамадзян Расіі не вытрымлівае ніякай крытыкі. На сёння нам вядома, што ўказаная група накіроўвалася транзітам праз Мінск у Стамбул, маючы на руках усе неабходныя дакументы, уключаючы авіябілеты. Усю лагістыку на тэрыторыі Беларусі забяспечвала беларуская кампанія. Па невядомых прычынах група не патрапіла на свой рэйс Мінск – Стамбул і вымушаная была затрымацца ў Беларусі ў чаканні набыцця новых авіябілетаў беларускай кампаніяй, – гаворыцца ў паведамленні МЗС Расіі.

У расійскім ведамстве выказалі здзіўленне таму, што беларускім бокам сітуацыя ўяўляецца спробай прадставіць тое, што здарылася, як знешняе ўмяшанне ў справы Беларусі.

- У распараджэнні беларускіх улад, у тым ліку авіяцыйных, ёсць усе неабходныя дакументы для ўстанаўлення праўды, – падкрэслілі ў МЗС РФ.

МЗС Расіі таксама запатрабавала забяспечыць доступ консульскіх супрацоўнікаў да затрыманых расіянаў, спыніць нагнятаць «непатрэбныя, асабліва ў перыяд прэзідэнцкіх выбараў, негатыўныя эмоцыі».

У. Падгол

слухайце аўдыё

Больш на гэтую тэму: Паміж радкоў