а вуліцу Будзёнага ў Гродне выйшла каля двух дзясяткаў ветэранаў, якія зладзілі побач з консульствам Рэспублікі Польшча ў Гродне пікет. Іх асноўнае патрабаванне, каб палякі адумаліся і не спрабавалі адарваць Гродна ад Беларусі.
З пікетоўцамі размаўляў сакратар Галоўнага праўлення Саюза палякаў Анджэй Пісальнік. Ён імкнуўся патлумачыць сабраўшымся, што і ў польскім грамадстве ёсць не вельмі прыстойныя людзі, якія распаўсюджваюць правакацыйныя погляды.
Але, маўляў, і ўрад Польшчы, і іншыя сур'ёзныя ўстановы дыстанцыяваліся ад распаўсюджаных у Інтэрнэце правакацыйных лозунгаў і заявілі, што Польшча рашуча падтрымлівае непарушнасць беларускіх межаў і асуджае спробы парушэння суверэнітэту Рэспублікі Беларусь».
Аднак мітэнгоўцы не верылі яму і крычалі: «Вораг не пройдзе!», «No passaran!», спявалі песні кшталту «Была бы страна родная...».
Пікет працягваўся каля 40 хвілін і ветэраны разышліся. З польскага консульства да іх ніхто не выйшаў, нават ахоўнік.
Алесь Завіноўскі
фота: Саюз палякаў Беларусі