X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

У. Падгол: 159 палітвязняў – такі ўраджай палітычных дажынак сабраў дыктатар у турмах

26.12.2020 08:09
2020 для мільёнаў беларусаў быў годам натхнення ад прадчування дэмакратыі, годам страху і роспачы.
Аўдыё
  • 159 палітвязняў – такі ўраджай палітычных дажынак сабраў дыктатар у турмах
Уладзімір Падголradyjo.net

Страху за лёс блізкіх, родзічаў, сяброў ды роспачы, што ўсё ж перамога стала недасягнутай.

Год 2020 стаў годам без законаў. Лукашэнка заявіў: «Часам не да законаў, трэба прыняць жорсткія меры, каб спыніць усякую дрэнь».

Год 2020 стаў годам велізарнай колькасці чалавечых трагедый (пакутаў, катаванняў, здзекаў).

У 2020 годзе Лукашэнка абвясціў, што мы сталі ядзернай дзяржавай, а ў грамадстве з’явіўся новы клас – пратэстуны.

Звычайна ядзернай дзяржавай называюць тую, якая мае ядзерную зброю. Лукашэнка абвясціў РБ ядзернай на падставе таго, што запрацавала атамная станцыя ў Астраўцы. І там сапраўды можна вырабляць кампаненты ядзернай зброі. Такія як рабілі ў СССР у пасёлку Сосны пад Мінскам.

Выбары прэзідэнта адбываліся ва ўмовах пастаяннага фальшавання. Вертыкаль стварыла выбарчыя камісіі, куды не прапусцілі ніводнага апазіцыянера. Падчас збору подпісаў за вылучэнне кандыдатам у прэзідэнты за апазіцыйных кандыдатаў утвараліся такія велізарныя чэргі, што ў штабе Лукашэнкі пачалася паніка. Ён сам стаў публічна бэсціць арганізатараў збору подпісаў, вінавацячы іх у тым, што яны імітуюць чэргі.

Пасадзілі ў турму патэнцыйных кандыдатаў у прэзідэнты Бабарыку і Ціханоўскага, пасадзілі палітыкаў Паўла Севярынца і Міколу Статкевіча, якія проста крочылі да месца збору подпісаў. І вось тут пачаліся сенсацыйныя падзеі. Жонка зняволенага Ціханоўскага пайшла кандыдатам у прэзідэнты. Хатняя гаспадыня, якая мае дваіх дзетак, любіць кухарыць, раптам стала прыцягваць увагу выбаршчыкаў. Яна кантраставала сваёй шчырасцю, сумленнасцю з хлуслівым уладаром. Папулярнасць Ціханоўскай расла лавінаабразна. Шчырасць і сумленнасць хатняй гаспадыні перамагла хлуслівасць і цынізм палітычнага патрыярха. Лукашэнка і яго паслугачы напалохаліся. На адну з апошніх сустрэч Ціханоўскай з выбаршчыкамі ў парку Бангалор уладатрымальнікі нагналі вайсковую тэхніку, палявыя кухні і зладзілі там свята чыгуначных войскаў, якіх у РБ не існуе.

Падчас пратэстаў загінула 7 чалавек, звыш 30 000 было арыштавана, некалькі тысяч падвергліся катаванням, падалі заявы ў следчы камітэт. І там не ўзбудзілі ніводнай крымінальнай справы.

У турме сядзяць палітыкі, журналісты, урачы, сядзела нават міс Беларусь 2008 Хіжанкова. Адседзелі чэмпіёны і прызёры алімпійскіх гульняў.

З пачаткам выбарчай кампаніі ў Беларусі ўлады пачалі вайну супраць журналістаў. Іх пазбаўляюць акрэдытацый, збіваюць, страляюць па іх гумовымі кулямі, затрымліваюць, саджаюць на суткі. Асабліва моцным ціск на медыя ў Беларусі стаў пасля выбараў. З таго часу журналістаў больш за 300 разоў затрымлівалі, 65 чалавек пакаралі арыштам на тэрмін ад 3 да 30 сутак.

У турме катавалі ўрачоў, сусветных спартовых зорак, журналістаў з РФ і гасцей з Ізраілю.
Сотні выпадкаў катаванняў сталі вядомы людзям з усяго свету. Відэакадры, як асобы ў чорнай вопратцы з маскамі на тварах збіваюць людзей, якія ляжаць на асфальце, узрушылі мільёны людзей па ўсім свеце.

слухайце аўдыё


Больш на гэтую тэму: Паміж радкоў