X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Навальны раскрыў самую вялікую таямніцу Пуціна

20.01.2021 20:04
Нягледзячы на тое, што палітык знаходзіцца за кратамі, ён усё роўна зашакаваў усю Расію і сам Крэмль.
Рэзідэнцыя Пуціна на Чорным морыpalace.navalny.com

У публікацыі, якая зашакавала ўсю Расію і не толькі, за амаль 2 гадзіны, Навальны разам са сваёй камандай раскрывае карупцыйныя схемы расійскага прэзідэнта, яго шлях да сённяшняга багацця ды людзей, якія памагалі і да сёння памагаюць яму ў стварэнні фінансавай імперыі. Галоўная тэма фільму – вялікі палац Пуціна на берагу Чорнага мора, непадалёку ад горада Геленджык у Краснадарскім краю. Але ўся гісторыя пачынаецца яшчэ ў 80-ых і 90-ых, калі Пуцін быў супрацоўнікам КДБ ды ФСБ. 90-я, пра якія ён часта кажа, што гэта быў самы трагічны перыяд у гісторыі Расіі, для яго асабіста сталі пачаткам кар’еры і падбірання супрацоўнікаў, якія сёння ўмешаны ў пуцінскія схемы.

-Пачатак 90-х у Ленінградзе. Падумайце, наколькі выдатным шпіёнам Пуцін быў у Дрэздэне, калі пасля таго, як вярнуўся з камандзіроўкі, яго накіравалі на малаперспектыўную працу ва ўніверсітэт. Там працаваў яго стары ўніверсітэцкі таварыш Нікалай Ягораў. Гэта адзін з мала вядомых, але і ключавы і давераны чалавек Пуціна. У 70-я Пуцін і Ягораў сядзелі за адной партай, сябравалі. Разам з ім звернем увагу на двух іншых аднакурснікаў і самых блізкіх сябраў таго часу – Ільгам Рагімаў і Віктар Хмарын. Тады іх аб’ядноўвала зацікаўленне барацьбой. Іх імёны варта запамятаць. У 91 годзе гэты ж Ягораў аказаў Пуціну паслугу, якая змяніла яго жыццё назаўсёды. Ён рэкамендаваў Пуціна на працу ў мэрыю Санкт-Пецярбурга ў камітэт знешніх адносінаў. Зараз вельмі смешна ўзгадваць гэтыя старонкі ў біяграфіі Пуціна. Ён любіць расказваць, як ён перажываў распад СССР. Ён асуджае 90-я, часы пры Ельцыне, дэмакратаў і ўсіх навокал называе замежнымі агентамі. А ў той жа час ён з вялікім энтузіязмам пайшоў працаваць на аднаго з галоўных дэмакратаў гэтых часоў, радыкальнага крытыка СССР Анатолія Сабчака. І вось, адбылося, чалавек, які ўсё жыццё марыў пра грошы, да гэтых грошай дарваўся. Апынуўся на пасадзе, дзе ёсць што красці, дзе даюць хабар. І тут наш Уладзімір Уладзіміравіч развярнуўся.

Гэтыя ды іншыя персанажы звязаныя з Пуціным або з дзяцінства або з часоў працы ў КДБ, сёння з’яўляюцца кіраўнікамі буйных, дзяржаўных прадпрыемстваў, ды дапамагаюць Пуціну прамываць неверагодную колькасць грошай – даведваемся з расследавання. Самай важнай кропкай з’яўляецца раскрыццё схемаў, якія стаяць за пуцінскім палацам у Краснадарскім Краю. Як аказалася, у яго там не толькі палацавы комплекс з галоўным будынкам плошчаю 17 691 квадратных метраў, чайны домік, выхад у мора, але таксама хакейнае поле. У ваколіцы Пуцін і звязаныя з ім, падстаўленыя знаёмыя, уладальнікі вінаграднікаў, віно з якіх заўсёды ў Крамлёўскім меню. Уражвае таксама мэбля і планіроўка палаца і ваколіц. Навальнаму з камандай удалося атрымаць планы комплексу і зрабіць рэканструкцыю будынку з выкарыстаннем апісанай на плане мэблі. І гэта не звычайная мэбля, а створаныя адмыслова для Пуціна італьянскія вырабы.

-Мы без праблемаў знаходзім пакой, гэта малы абедзенны зал. Расшыфроўваем указаную на планах мэблю – «Чытэрыя Атэна» – гэта супер эксклюзіўны італьянскі мэблевы дом, які прадае свае тавары толькі пад заказ. Мы папрасілі іх даслаць нам каталог. І ўсё ў ім выглядае дакладна так, як на фатаграфіях унутры палаца, якія былі злітыя ў інтэрнэт. На іншай фатаграфіі працаўнік стаіць у пакоі з арыгінальнай падлогай, шукаем яе на плане і знаходзім камплект мэблі «Пазолі». Мы просім іх даслаць каталог і аказваецца, што камода на фатаграфіі супадае з той з каталогу. У нас была з гэтым смешная гісторыя, калі мы папрасілі даслаць нам фота 20-30 штук мебелі, яны запыталіся ці гэта не мы заказвалі дакладна такі набор у рэзідэнцыю на Чорным моры. Мы сказалі, што так, гэта мы. Гэтыя заводы вырабляюць адзінкавую супер эксклюзіўную мэблю і гадамі памятаюць усіх сваіх кліентаў. І кошт адпаведны. Скураная канапа 2 мільёны расійскіх рублёў, туалетны столік таксама 2 мільёны, у калідорах канапы па 1,5 мільёна. Або яшчэ класны стол з барам за 4 мільёны карупцыйных рублёў.

І тут Навальны запрашае нас паглядзець інтэр’ер палаца з падрабязным тлумачэннем, што дзе знаходзіцца. Пасля таго, як мы паглядзім пышны чытальны зал, басейн ды казіно, падыходзіць час разгледзець пуцінскія вінаграднікі, якіх у наваколлі некалькі і, аказваецца, яны з’яўляюцца буйнейшай адмывальняй грошай ва ўсёй схеме Пуціна. На іх грошы складваюць усе сябры, знаёмыя, родзічы прэзідэнта Расіі. Разгляд поўнай схемы, таго, хто каму і за што плаціць займае амаль 30 хвілін роліка. У справу ўвязаны і буйныя дзяржкампаніі, і афшорныя гіганты і прыватныя фонды людзей блізкіх да Пуціна. У схемах і любоўніцы прэзідэнта. Агулам, складваецца ўражанне, што тут кожны кожнаму штосьці павінен, а ўсё гэта ахоўваюць расійскія спецслужбы, якія пастаянна манітораць рэзідэнцыю і не дазваляюць нікому набліжацца да яе, ні з паветра, ні з мора, ні з сушы.

-Вялікі расійскі пісьменнік калісьці вельмі дакладна апісаў палітычны лад у Расіі: «сабраліся злачынцы, аграбіўшыя народ, набралі салдатаў, суддзяў, каб забяспечыць іх оргію і балююць». Гэта геніяльная фраза і зараз яна на 100% апісвае тое, што адбываецца ў нас у краіне. Злачынцы аграбілі народ, набралі суддзяў, росгвардыю, ФСБ, каб абараняць свае палацы, а самі сядзяць і гуляюць у прыватных казіно ў акружэнні жонак, каханак ды дзяцей. І яны ніколі не сыдуць ад улады.

Такім акцэнтам кончыцца відэа-расследаванне Навальнага па карупцыі Пуціна. Прэзідэнта Расіі ён не раз у фільме называе «самым багатым чалавекам у свеце». Ну і ў выніку, Навальны разам з камандай, прызывае ўсіх людзей, хто паглядзеў гэты ролік, каб у суботу 23 студзеня а 14 гадзіне, яны выйшлі на вуліцы, мітынгаваць і пратэставаць супраць злачынстваў уладаў і карупцыі ў вышэйшых палітычных сферах Расіі. Выглядае на тое, што, цытуючы Аляксандра Лукашэнку, бліжэйшыя выходныя будуць «очэнь інцерэснымі».​​

Альберт Ежы Вяжбіцкі