X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польскі ўрад не плануе купляць расійскую вакцыну Sputnik V

05.03.2021 16:41
Еўрапейскае агенцтва лекаў пачынае аналізы расійскай вакцыны, але Польшча ўжо адмовілася ад паставак.
    .
Поставка российской вакцины в Аргентину.Фото: wikipedia.org/By Casa Rosada (Argentina Presidency of the Nation), CC BY 2.5 ar, https://commons.wikimedia.org/w/index.php?curid=98202927

У Еўразвязе распачаўся працэс ацэнкі расійскай вакцыны Sputnik V. Нягледзячы на тое, што яна цешыцца ўсё большым адабрэннем у еўрапейскім грамадстве і палітычных сферах, Польшча не збіраецца вакцынаваць сваіх грамадзян гэтым прэпаратам – чытаем у газеце Rzeczpospolita. Кіраўнік канцылярыі прэм’ер-міністра Міхал Дворчык заявіў, што замест расійскай вакцыны, разглядаецца магчымасць закупкі кітайскага прэпарату. Такія словы чыноўніка выклікалі хвалю крытыкі сярод адмыслоўцаў. Доктар Павел Гжэсёўскі з Галоўнай рады лекараў Польшчы заявіў, што рашэнне аб адмове прыняцця расійскай вакцыны, нават калі яна будзе адобрана Еўрапейскім агенцтвам лекаў, вынікае з іншых, не медычных прычынаў.

У сваю чаргу доктар Гжэгах Цэсак з Інстытуту рэгістрацыі медычных прадуктаў папярэджвае, што працэс адабрэння Sputnik V толькі распачаўся і нягледзячы на добрыя вынікі ў аналізах, ёсць і сумневы. Для канчатковага адабрэння будзе патрэбны час на высвятленне пытанняў якасці вытворчасці расійскага прэпарату.

Адначасова расійская вакцына стала прадметам дыпламатычнага скандалу паміж Славаччынай і Украінай. Славацкі прэм’ер-міністр Ігар Матовіч у адным з інтэрв’ю пажартаваў, што ўзамен за вакцыну абяцаў Расіі Закарпацце, якое да вайны было часткай Чэхаславаччына, а зараз уваходзіць у склад Украіны. Гэты «жарт» выклікаў рэакцыю Кіева і ў выніку міністр замежных справаў Славаччыны папрасіў прабачэння за словы свайго кіраўніка. Ва Украіне Sputnik V не дапускаецца да ўжывання. Паводле ўкраінскіх уладаў, расійская вакцыны гэта прадмет гібрыднай вайны, якую Расія вядзе працягвае весці супраць украінцаў. Ва Украіне працэс вакцынацыі прэпаратам AstraZeneca распачаўся на мінулым тыдні, чытаем у газеце Rzeczpospolita.

аев