Павал Усаў: Праблема ў абсалютна неадэкватных паводзінах лукашэнкаўскіх уладаў

МУС РБ аб тым, што ў іх ёсць спісы людзей, якія маюць ВНЖ іншых краін, а таму тым больш павінны паведаміць пра свае дакументы ўладам.

Павал Усаў

.

У Беларусь працягваюць завозіць кампаненты тактычнай ядзернай зброі і абсталявання з Расіі. Дастаўка ажыццяўляецца па чыгунцы ў абстаноўцы поўнай сакрэтнасці, паведамляе тэлеграм-канал «Супольнасць чыгуначнікаў». Новы этап увозу тактычнай ядзернай зброі па чыгунцы з Расіі пачаўся ў канцы жніўня – пачатку верасня. Яго кампаненты дастаўляюць невялікімі групамі па 3-6 вагонаў з асобным лакаматывам для таго, каб захаваць максімальную ўтоенасць.

-Гэта вельмі важны элемент узбраенняў, размяшчэнне якіх заўсёды сакрэтнае. Гэта намаганні мінімалізаваць рызыку, бо акрамя псіхалагічнага эфекту ёсць яшчэ вайскова-стратэгічны, які прадугледжвае магчымае сутыкненне, адчыненую вайну, і каб месца размяшчэння не было лакалізаванае, – каментуе палітолаг Павал Усаў.

Каментуючы інфармацыю МУС РБ аб тым, што ў іх ёсць спісы людзей, якія маюць ВНЖ іншых краін, а таму тым больш павінны паведаміць пра свае дакументы ўладам, Павал Усаў дае толькі адну параду:

-Адзіная парада – гэта не ехаць у Беларусь. Праблема ў абсалютна неадэкватных паводзінах лукашэнкаўскіх уладаў і ўсё больш радыкальныя дзеянні ў дачыненні да тых, хто мае від на жыхарства. Здараліся выпадкі знішчэння дакументаў падчас праверкі. У савецкія часы было шмат прыкладаў, калі лёгкаверныя грамадзяне, якія жылі ў іншых краінах, ехалі ў Савецкі Саюз, а там іх пашпарты знішчалі ці не аддавалі. Людзі заставаліся ў «вязніцы», не маючы магчымасці выехаць. Я б раіў не ехаць, бо рызыкі сутыкнення з такой палітыкай улады вялікія.

Поўны каментар - у далучаным гукавым файле.

слухайце аўдыё