На колькі рэальным можа быць такі сцэнар, пытаемся ў палітолага Паўла Усава:
-У сённяшняй сітуацыі, якая склалася ў рэгіёне, у прыватнасці ў Беларусі, магчымы любы сцэнар. Адмаўляць магчымасць рэалізацыі такога сцэнара нерацыянальна, сыходзячы з таго, што адбываецца ва Украіне, і сыходзячы з канфрантацыі Расіі і Захаду. Расія ўвесь час правакуе краіны НАТА, увесь час ідзе гульня на мяжы крайняй канфрантацыі. Лукашэнка ў гэтым адыгрывае сваю ролю. Ён выкарыстоўваецца як фактар псіхалагічнага, гібрыднага ўздзеяння на суседзяў. Фактар павышанай рызыкі. Ён страшыць суседзяў і захад Еўропы: мы на мяжы вайны, давайце дамаўляцца. Лукашэнка, гаворачы такія словы, разлічвае на кампраміс.
Магчымасць прамога ўдзелу Беларусі ў вайне цяжка ацаніць у адсотках. З іншага боку, ніхто не чакаў, што вайна ва Украіне будзе менавіта такой. У якой форме і якімі метадамі Расія будзе дзейнічаць у дачыненні да Польшчы, Літвы, Эстоніі, рацыянальна ацаніць цяжка, паколькі псіхалогія Пуціна настолькі дэструктыўная, што ацаніць, што зробіць Расія, вельмі цяжка.
Поўны каментар - у далучаным гукавым файле.
ав